2014-12-25 10:41:10Ethan~

25/12/2014

 
仲有大約一星期就要告別2014年,而每年我地兩仔爺都一定會約埋一齊出外慶祝聖誕節啦~!!
或者今年佢o既期都比較難排到呀,所以我地早於月頭就已經夾定個期提早做好準備先啦~!!

至於今日o既慶祝活動都比住年簡單,但係今年簡單得o黎而又令我覺得可以做到效果囉~!!
今次全日行程編排都係由阿仔負責,而今日下午就約左3pm出去新墟到睇〝翻生侏羅館3〞啦~!!

呢個時候除左要睇戲之外,我當然仲把握時間率先同佢講左最近家族上o既大小問題先啦~!!
畢竟我最近我手頭上已經負責緊幾單幾麻煩o既case呀,所以我都想趁機同佢講一講啦~!!
我地兩個都同意今年真係一年好多不快事發生o既一年,同時我地都希望明年可以變得更好~!!

至於o係睇完戲套戲之後o既安排方面,就係我地一同出左去沙田到晚飯兼準備睇下燈飾~!!
往年我地都可能係出去尖沙咀或者銅鑼灣呢d地方,但係今年就換左個新地方去嘗試下啦~!!
其實今日o既安排方面部份係由新抱仔負責,事因阿仔話今晚晚飯及甜品o既安排係由佢提供~!!

晚飯時間當然不忘回顧一下今年o既事宜,同時我地亦都好想聽下對方對來年有咩期望啦~!!
而阿仔今晚竟然主動問及到我關於佢今年o既表現,事因今年o既佢就係首年開始拍拖嘛~!!
到底自佢拍拖之後對佢o既表現有冇好大影響,呢個問題相信都係佢比較擔心o既事宜之一啦~!!

就住唔同問題一一去傾過之後,我地都好了解對方想表達同埋想要o既到底係咩生活啦~?!
今年即使做得再唔好o既野都已經要告一段落,所以我只好同佢講到佢做好自己就已經夠喇~!!
加上今年已經係佢出道第13年,可以話值得慶幸o既係以前我地已經早早就做好晒所有共識呀~!!

今年大家都各自經歷左好多事情同埋試左好多野,而我地今轉亦會係2014年最後一次會面啦~!!
最後一轉完成之前當然都會好似往年咁講下野,同時阿仔今次亦預備左張聖誕卡送俾我表心意~!!