呢一段養病o既時間之中除左要真正養傷之外，我當然亦都有趁可以o既情況下出外行下啦～！！
而最近呢段時間反而就多左同屈姐出去行下兼食下野，而今日亦都係最近期o既第二次添喇～！！

早前已經同佢去左西貢一轉行下輕鬆下，至於今日我地就揀左去長洲到行下兼睇下野啦～！！
事因我地都覺得市區已經唔係太適合我地，所以我地就決定轉戰去ｄ比較少人o既地方囉～！！

再者近期因為有左呢次意外o既關係，佢亦都有就住呢方面好好咁同我分享過對生活o既睇法～？！
一直以o黎大家都覺得我好緊張公司o既事，所以我以往就算有唔舒服o既情況下都唔會唔返嚕～？！
但係我自己經過今次之後就更加覺得健康要緊，所以我呢期都真係好好咁keep返好個身體啦～！！

而且身邊有唔少人都好關心自己，而且佢地都希望我可以早日好返晒同埋大家可以開心去玩下～！！
大家都明白人生真係可以好無常呀，所以我自己都有就住大家俾我o既意見認真去諗諗生活係咩～？！

至於今日行程方面主打都係比較輕鬆冇目的，事因我地都唔太想俾計劃去限制住自己做ｄ咩啦～？！
所以約左10:30am去搭960出中環後先食左少少野，及後就想搭船入目的地到四周圍行下同睇下～！！
而今轉行程之中原本有諗過四圍去食下當地好食o既野，但係當中好多舖頭都竟然休息冇開呀～！！

既然行到咁旌下又冇咩可以再做o既情況下，我地就出返去旺角到買埋ｄ野兼食埋個晚飯先啦～！！
事因今日行程都玩得接近七七八八，而o係今轉過程中當然都有談及返好多以往細個時o既經歷啦～！！

好多時候細個真係咩都夠膽去做去玩，但係大個左之後反而人就會多左好多唔同o既顧慮而卻步呀～？！
咁到底我地除左工作之外應該要點樣去生活，呢個話題正正就係呢兩次出屈姐出外時都有提到嚕～！？
或者我真係唔係以事業為先o既人，而我最想做到o既就係希望自己生活可以過得健康、簡單同埋開心～！！