今日並唔係已經排好期o既會面日子，只係因為阿仔知道我有事而突然出o黎見左我一轉～！！
由於呢期我身體本身已經有事之又加上比較多事情發生，所以我今日情緒上又係比較唔妥啦～！！

今次見面先後將最近o既事宜同佢交代晒，特別係近日Jacky及Phoebe兩人o既事情啦～！！
再者我呢期又繼續忙住出席Fred大碟o既宣傳活動，所以都有將部份開心事同佢講過下啦～！！

至於我最近除左身體有事之外仲影響埋心情，畢竟我為左事業呢樣野都已經煩左一段時間～！？
再加上呢排我絕大部份o既喜好都受到影響，因為我最近都有就住呢幾樣野去反思過係咪堅持～？！

從前都叫做有劇會追o黎睇下，另外又會有歌手o既新歌或者演唱會吸引到我會去聽下啦～？！
不過今年之後就開始已經覺得呢兩樣野都唔掂，同時對於巴士方面o既興趣又不及從前咁重～？！
一件事o既發生或者真係可以牽涉到好多問題洐生，而阿Fred亦已經係現階段最後防線喇～！？
到底係因為我自己o既經歷而改變左，定係我真正長大之後o既改變都仍然係一個問題咁～？！

而阿仔一直都好支持我向多方面興趣發展，而且佢仲好多時都會陪我做我喜歡做o既事添啦～？！
但正正就因為宜家佢都主打o係大陸居多，所以我地之間好多o既計劃同活動都唔似以前喇～！！
一段時間之前自己都仲未好接受到呢個改變，但最近幾個月或者就連自己心態都開始變左啦～？！

至於阿仔o既感情方面亦似乎唔太樂觀，所以今轉我地都有就住呢個問題去抽時間傾一傾啦～！！
畢竟維繫一段感情的確係需要時間同心機，但係阿仔從來最大o既問題往往都係因為時間而出事～？！

好多問題好多年前都已經知道係存在喇，而且阿仔亦都同我講明話佢已經做好晒心理準備啦～！！
所以新抱仔好大可能會出到牌但未上到牌就已經玩完，而我亦都就住呢個問題俾左部份意見佢～！！

仲有一段餖時間就完成今年所有野，而我今次亦直言同佢講到好快就會就住2015做計劃啦～！！
畢竟我地今年都出現左唔少問題要處理，同時今年亦係我地對生活或人生一個好大反醒o既一年～？！