今日係Fred第二場o既簽唱會啦，而我亦已經一早做定準備去拎佢第二隻簽名大碟啦～！！
而今日活動場地就係我首次去o既地方數碼港，同時陪我出席是次活動o既亦換左做Issac喎～！！

雖然我同佢一齊玩過o既次數並唔多，但作為今年新人o既佢亦都需要多ｄ參與唔同野啦～！！
今早約左12:00pm先到深水埗會合左先再轉970去目的地，而我地其實都係首次去呢個目的地～！！
所以最初就需要用少少時間搵下活動地點o係邊先，及後當然就係去食返個lunch再落去啦～！！

至於o係今次活動開始之前，我就率先要去搵個Fans拎返張演唱會Poster同另一位拎張簽名證～！！
及後就抽返少少時間同Issac傾下計啦，不過佢就話原來今日活動開始之前原來都有咁多野要做～！？
由於佢對本地歌手未有太多興趣，所以我起初都好擔心佢會唔會唔係覺得悶或者唔投入呢～？！

而經過是次活動之後，我覺得佢其實係可以參與更多唔同活動去搵搵佢唔同方面o既能力啦～？！
加上我今次出席活動之時竟然做歌迷會幹事認出，而且佢地仲叫我幫手舉下旗兼吹左一輪水呀～！！

早前同過唔同掛牌出席佢o既活動都係見到媽咪級Fans最多，而我今次終於都識返兩位年輕人～！！
加上佢地兩位本身又係歌迷會幹事o既關係，咁樣我就更加覺得其實識多個朋友都係無妨嚕～？！
而且咁樣更加方便我日後出席活動時有人傾到計，甚至佢地仲可能會搵到飛俾我去睇show呢～？！

正正就係由於我係男仔o既關係，所以佢地都好易就認得出我同埋對我有少少興趣想知ｄ野啦～？！
事因佢地都話自Fred彈出之後都係女Fans為主，而我就更加係為極少數o既年輕男Fans添啦～！！

由於o係今次活動識左佢地之後，估唔到佢地竟然叫我接住落o黎就跟埋佢地一同上台拎簽名～！！
事因佢地同Fred都應該有一定認識度，所以佢地就話想藉今次介紹我俾Fred認知同埋認得我～！！
雖然今次係第二次咁近距離見到佢個真人，但今次就係佢第一次真正望住我兼同我say Hello呀～！！
至於o係活動完左之後，我同Issac就過返去尖沙咀到食埋個晚飯兼再傾下計先正式完結今日行程～！！