今日下午因為Fred於中環HMV有活動，而我又咁o岩約左人要出去拎野啦～！！
所以最終就因為咁而同其中一班Fans傾左陣計，及後仲打算留o係現場到睇埋先離開～！！

由於原本計劃係搞完呢場之後，就需要趕返入屯門到搞埋交上網費等事宜就返屋企啦～！！
而我睇睇下show中間就收到表哥wtaspp喎，而佢就send左段錄音俾我而令我知佢o黎左～！！
呢個冇約埋o既意外都真係幾出奇，及後佢地兩公婆仲打算幫我同Fred影埋相先一齊走啦～？！
不過我地見到班fans咁瘋狂就已經覺得唔搞好過，所以最後我地就一齊去左灣仔到買野～！！

正正都係因為呢個不經意o既偶遇，所以臾今晚咪去左佢地到食晚飯兼齊齊睇巨聲4囉～！！
我地一直都未試過一齊呢類電視節目又可以有共鳴，事因我地今日都變身做左『評判』呀～！！

而今日下午睇show時間仲發生左另一件事，我又係中途突然收到Phoebe俾我o既wtaspp啦～！！
當佢只係話俾我知佢興到爆之時，我心裡面就已經覺得呢次件事應該又係同姨丈激親佢有關啦～！？
點知佢之後實係打o黎俾我之時又真係爆晒粗，加上佢又一一咁同我將件事講得明明白白啦～！！

我都好理解佢地為左肥豆個婚禮而出過幾次事，而起因往往都係因為肥豆個老婆而出事啦～？！
點知今次竟然連肥豆都犯左d唔應該犯o既低級錯誤，咁樣一搞最終咪搞到佢地之間存在問題～！！
我地都唔想肥豆因為呢個女仔最後搞到自己連朋友都冇晒，因為咁樣真係唔係最好收場嘛～？！