今日係我今年內第二次入去迪士尼玩，而今次就轉左同Phoebe同Jacky一齊入去啦～！！
回想返上次一齊o黎呢到玩o既時間已經係上年，而今次入o黎主要目的係為左睇晚上o既巡遊～！！

由於近日迪士尼都好多人因為個LED晚間巡遊而聞名，所以我地都特此夾返一日o黎睇下～！！
同時今日又係平日時間相對冇咁多人，所以我地上段時間大致上可以話係玩得好輕鬆啦～！！

我地今日都唔似之前咁好早就出門啦，約左10:30am去友愛食埋M記先正式開始出發～！！
及後當然就先講講最近發生左o既事宜先，至於肥豆個老婆睇怕都唔使旨意可以有朋友呀～？！
事因佢地都即將結婚兼有好多野要我地幫忙，但佢老婆就竟然四圍咁同我地d人引起火頭嚕～！！

至於去到目的地之後當然就不忘影下相先，及後我地就選擇性咁揀d今日想玩o既野去玩啦～！！
因為上段時間人流未見有好多o既關係，所以相對要排隊等候o既時間都比以往短左好多呀～！！

加上我近日又因為身體問題而唔可以長期行路，所以是次行程都需要有動有靜俾我抖抖～！！
所以我地三個今日都先後玩左兩轉畫畫呀，而我就更加係做左十年o黎都唔做一次o既野啦～！！
而機動遊戲方面主打都係玩左最好玩o個堆就算，事因下段時間開始就開始越o黎越多人嘛～！！

今日行程之中收穫都有唔少呀，咁當然全部o既野都係佢地兩公婆勁買之下o既結果啦～！！
而晚餐方面Jacky原本就唔想再食快餐，但無奈唔食快餐就趕唔切去睇是次目的o既巡遊啦～？！
所以最終我地就只好放棄食d唔做自己照顧自己o既野，而去轉食今轉Jacky唔想食o既快餐～！！