今晚係一年一度o既中秋節，而我今晚又再一次同Phoebe兩公婆出左去～！！
呢一晚圍埋o既原因主要係想感受下節日氣氛，事因我地都好懷念兒時o既感覺～！！

約左11:00pm先上友愛會合，及後我地就先吹左一陣水先再落樓行公園啦～！！
落到市鎮公園終於都見到唔少人o係到慶祝，同時又令我地諗返起中學時o既回憶～？！

除左諗返起細細個o既時候有玩燈籠同蠟燭之外，我地仲記返唔少中學一齊玩o既野～？！
畢竟以前讀書年代唔似得宜家大個左咁自由，所以從前o既回憶其實都幾快樂同特別呀～！！

唔經唔覺我地大家都已經大個晒喇，而我地見到慶祝o既場面亦都冇以前咁多人啦～！！
我地仲記得以前要搵個位坐低慶中秋係好難，但宜家o既人流相對以前就疏落左好多嚕～！！

行完公園之後就到Phoebe話好肚餓，所以Jacky就一直o係到諗有咩地方有野食啦～？！
因為要符合Phoebe想食野o既條件都有點兒困難，畢竟宜家o既時間都已經唔係早嘛～！！

最終搞左一大輪之後就決定返去友愛大排檔，因為佢最後都係揀左去食點心做宵夜呀～！！
雖然今年叫做又係簡簡單單咁慶祝左，不過我都幾懷念以前一大班朋友圍埋一齊玩o既日子～！！