對上一次見佢已經係年頭一月份o既事，事隔左八個月之後就到左今日先再一次會面～！！
至於今次會面o既感覺可以話係完全唔同晒，而且我亦都真係睇得出佢已經改變左唔少囉～！！

今日約左12:30pm去沙田會面，至於呢個人就係一度成為好多好勁紀錄o既『愛人』啦～！！
是次會面o既時間同埋地點都係由佢負責決定，再者今次佢做o既每個環節都比以往人性化左～！！
仲好記得以前每次見親佢都總係有唔少問題要鬧，但係今次我地竟然全程都係講笑同分享～！！

其實早前佢已經開始出現返架喇，只不過當時我仍然都覺得佢話約見面只係一個口號嚕～！！
或者就係經歷左三次失望之後已經唔再抱有期望卦，點知佢尋晚就真係約左我今日出去喎～！！
呢段時間裡面大家都各自經歷左唔少大小事宜，所以佢今次俾我o既感覺真係定性左唔少呀～！！

從前o既唔上心如今終於開始變得認真同識諗左，佢開始知道身邊有好多野都唔係理所當然～！！
畢竟佢早前經歷左身體有事加上宜家有多左個女朋友，可能呢一切都係令佢改變o既原因啦～！！
加上佢又提到自己已經賣左打機個A/C啦，但賺左一筆之後又咪係要送俾醫生同換左部手機～！！
佢話自己以前樣樣野都唔著緊又用咁多時間打機，覺得自己都係時候去做返ｄ有意義o既事～！！

而是次行程入面就係會合左之後就先搵地方食野，及後大家就先講返晒最近八個月o既事先啦～！！
當中就梗係有包括到生活、屋企同埋工作啦，而我同佢當然都係對自己份工好不滿兼好想走～！！
講到以前大家一齊拍住上o既日子真係好開心，再者佢又談及到稍後時間會約我同佢另一半見下～！！
至於講到感情線一事方面，原來佢o係呢段時間裡面一野就孖上有兩個女仔可以俾佢選擇呀～？！
雖然佢最終都揀左現任呢個而放棄左個更有條件o既，但我就覺得感情並唔單係以條件做考慮嚕～？！

起初佢自己都以為今日未必有好多野可以講，但係一講就講到天昏地暗都仲可以有話題繼續講～！！
所以及後我地就繼續去行下街先，事因佢今日同時都計劃左想買返兩對波鞋去準備做替換呀～！！
加上佢拍拖之後的確反省左唔少事宜，而呢一切一切佢都記得就係我當年同佢講o既所有嚕～！！

對於待人處事、形象、相處及金錢等方面，佢都話自己比起以前都已經改變左唔少想法呀～！！
因為對於自己需要珍惜o既人的確需要及時，因為大家都唔知自己下一秒會發生咩野事嘛～？！
唔知係咪呢八個月完全冇見過面兼佢又改變左好多，所以佢今次對我o既態度可謂絕對唔同晒～！！

以往去到接近屈聲o既時候都會同佢度下o黎緊個期，不過我今次我冇提就反而由佢自己提到～！！
起初我都諗住佢要擺大部份時間去女朋友到，所以我就話希望下一次會面就係見佢女朋友之時～！！
但佢竟然話就算同佢女朋友拍拖都可以約期會面，至於個期方面佢稍後會再作安排及落實喎～！！
可能就係因為心態上唔同左兼且有左經歷o既關係，反而宜家到佢開始學會著緊同主動左嚕～？！

至於見完佢之後o既我就需要趕返屯門喇，因為今日下段就約左Phoebe兩公婆去睇戲呀～！！
今次約埋一齊去睇〝等一個人咖啡〞啦，而且呢套戲亦都得到身邊唔少人推介同埋話好睇～！！

至於睇完戲之後就梗係會一齊食埋野先架啦，再者我地暫時又計劃緊十月一齊去個短trip呢～？！
所以趁今晚有得圍埋一齊就趁機傾下先啦，不過未傾掂旅行事宜之前又先約左中秋一齊玩先～！？
雖然我地叫做一個短時間冇見面，不過我地次次見親面都仲係會有唔少話題可以傾到唔願散嚕～！！

熊貓

情人駱驛為何盡興都別離
仍然念舊就如熊貓般等你
晴或雨　仍然堅守故地　全為你
怕你一天歸來不可抱起

熊貓專一至死　不理如何傷悲
從不轉換口味　但未能換到你
太過簡單如何玩爭逐遊戲
偏等不到誰人救起
熊貓只等鑽禧　不寄望能驚喜
誰可以認真地　願容納這絕種的悽美
無論寄居在何地
叢林的土地　仍然芳香得懷念你

仍然日復日從沒有數日期
無論十月十年熊貓都等你
晴或雨　仍然堅守故地　如果你
怕你一天歸來未可勾起

熊貓專一至死　不理如何傷悲
從不轉換口味　但未能換到你
太過簡單如何玩爭逐遊戲
偏等不到誰人救起

熊貓只等鑽禧　不寄望能驚喜
誰可以認真地　願容納這絕種的悽美
無論寄居在何地
叢林的土地　仍然芳香得懷念你

熊貓專一至死　不理如何傷悲
從不轉換口味　但未能換到你
太過簡單如何玩爭逐遊戲
偏偏根本無人會想起
熊貓只等鑽禧　不渴望全新驚喜
誰可以認真地　願容納這絕世的福氣
無論寄居在何地
叢林的土地　傻傻等的只會為你