近日為左Fred演唱會一事都好忙，事因除左要忙於買飛之外又要忙於交費～！！
但由於佢呢轉需要開支票交錢o既關係，所以我就要搵下Raymond幫下手喇～！！

我同佢都真係有段時間冇見過面，而對上一次會面都應該係今年頭o既事喇～！！
至於今日我地就約左出去旺角到一聚，加上佢同我都需要出去呢到買野同拎野～！！

早前阿仔就幫我買左兩部巴士模型，所以我就要趁今日出去始創到拎返兩部野啦～！！
不過呢兩部車都真係非常之難揀呀，而我都心知揀車需要時間而預先叫左佢去呢到等～？！

搞到一大輪之後就先去附近行返陣，因為我最近都已經好少出街睇野或者買野呀～！！
所以我趁今日出開o黎旺角咪行下兼睇下新波鞋啦，最終因為太貴而令我暫時卻步啦～！！

再者趁今次會面兼食飯o既時間，我地都有談及到最近o既生活事同埋工作上o既事啦～！！
自佢轉左新工之後都係長期比較忙，加上我近呢幾個月生活上都出現左唔少變化呢～？！

最近我地掛牌方面都已經少左好多活動，所以佢都有問及到有關方面o既事情啦～？！
不過我呢到好多活動都係圍繞住Fred有關，咁即係話我呢排同玩自閉係冇咩大分別呀～！！

另一方面．．．
今晚Phoebe都有透過Wtsapp搵我啦，畢竟我地都已經有一段短時間冇點聚過下啦～？！
但由於呢排大家都各有各生活，而且圍內班人又未有咩活動搞而可以令大家圍埋玩下～？！
所以我地最快都應該於下個月先再有聚會，事因下個月都有幾個主打成員陸續生日嘛～！！