今日下午時間返工中途收到Phoebe來電，原來佢想我今晚陪佢食晚飯兼搵我傾下計呀～！？
事因佢早前已經為左佢份工一直係咁煩應唔應該繼續做落去，點知今晚晚飯途中就有左答案～！！

其實呢段時間內都有唔少朋友為左份工而煩，當然我自己最近都有受同樣o既問題困擾啦～？！
不過Phoebe早前都有就住呢方面問題同Jacky傾過，而且佢地之間亦都已經達成左共識啦～！！

佢地都一致覺得如果決定離任係解決方法就去做，但係大前題當然就係自己將來唔好後悔啦～！！
至於今晚我地原本就打算落新墟食野，但行到V City期間佢又心郁郁話想改上去食燒烤喎～？！
去到V City期間就先行去拎飛睇下要等幾耐兼行左個圈，最後佢又話不如轉戰市中心到食放題～！！

由於今晚只係得我地兩個o既關係，所以全程我地都係以近期o既事及部份之後計劃為主打啦～！！
事因佢今晚晚飯期間收到一個msg之後就決定辭職，主因就係因為佢已經頂唔順佢公司o既制度～！！
人在江湖、身不由已呢個道理相信我同佢都明白，加上我同佢o係公司都唔係好想做衰人呢～？！
所以我地大家都係以做好本份為首要要求，無奈只係公司有人係都要同自己過唔去先迫住出手～？！

好多野都已經唔係自己可以控制得到，所以我地都知道頂唔順就只好選擇離場去轉換下環境啦～！！
加上婚後o既佢又已經唔似以前咁係事業型女性，再者佢又計劃左稍後時間想有小朋友添呢～？！
一連串計劃或者叫做有左方向o既情況下，咁樣就更加令佢o既去意變得更加肯定同埋堅持嚕～！！

隨左講到近日生活同埋工作方面之外，我地同時都有提到身邊朋友、健康同埋夢想等話題啦～？！
隨住時間o既流逝會更加知道邊ｄ人對自己重要，同時亦都會更甚肯定身邊有咩知心朋友呀～？！
人會因為唔同環境或人物轉變而去改變，所以時間越耐就更加知道邊ｄ人係可以長留至永遠嚕～！！

當我地講到夢想一事o既時候，我就提到自己好想為自己真正咁搞一個屬於自己o既音樂會呀～！！
雖然我唔係一個真真正正o既歌手或藝人，但係我好想趁自己仲有力氣o既時候去完成呢個願望～！！
或者我自己都好想透過音樂去同身邊人分享唔同o既感受，不過現階段一切都只係一個夢想嚕～！！