阿仔呢一晚就突然有返港o既安排，所以我地兩個都特登夾左個期先見一見啦～？！
畢竟佢現時o既行程就連佢自己都唔可以預計，所以及後o既安排同以前又會有唔同喇～！！

雖然我地以前都經歷過一次澳洲分隔，但今次我地又需要作個新安排同埋新適應呀～！！
由於我早前去書展當日就買左ｄ野俾佢，所以我早前就叫左佢如果返o黎o既話就通知我～！！

而今晚我地就安排左較夜於建生Ｍ記會面，而是次主打當然就係先講下大家o既生活事先～！！
由於佢宜家o既生活並唔係佢自己所願咁，所以佢只好同自己講要學習去消化同面對嚕～！！

我當然可以理解佢o既心情同埋感受啦，因為返左上大陸生活同o係香港已經有分別～！？
加上兩地之間o既文化同各樣野都有唔同，而且佢亦都開始感受到同身邊人之間o既變化～！！
我今次都有問到佢覺唔覺得自己同身邊o既朋友有距離時，佢自己都心知係咩一回事啦～！！

就算好似我同佢o既關係咁親密都好，佢都知道分開兩地生活之後就會有一連串問題出現～？！
宜家佢除左覺得身心都好累之外，同時佢亦感覺到同身邊人o既話題比以前係大減左囉～！！
加上佢宜家咁o既情況亦都好難出席唔同o既活動，距離呢個問題就更加係一個考驗呀～！！

至於我就住唔同方面o既事都有同佢交代，而且我有同佢透露到稍後o既事宜及計劃啦～！！
而佢就表明話仲係好唔喜歡上面o既生活模式，再者佢暫時亦都唔考慮有太大改變啦～？！
畢竟佢o既心態始終都係親香港呢邊為主，而且佢又講到唔打算係上面識過批新朋友喇～！！

我地都心明好多考驗同問題會陸續發生，所以我就趁今次提醒佢記得要識抽離角色呀～？！
一旦連自己都被潛移默化一段長時間，最終佢咁多年努力得返o黎o既野就肯定會清袋嚕～！！