今晚繼續我o既年度生日飯局，至於今次會面主角就係Tina同Michelle啦～！！
點解我地呢個組合會咁樣出現，其實主要咪就係因為以前係同事所以識左嚕～！！

我地三個唔係經常都會見面，最多都只係間中o係wtsapp同大家吹返幾句啦～？！
不過佢地有咩特別事情或者唔開心o既話，多數佢地都會搵我呻下或問下意見嚕～？！

雖然我地之間o既話題唔算有太多，而且性格同埋生活習慣方面都幾唔同啦～？！
但係我地三個反而就有同一個愛好就係音樂，所以我地圍埋基本上都可以講音樂～！！

至於今晚圍埋主要就係講下近況先，畢竟我地三個都已經有一段時間冇咩會面～！！
加上今個月又係我同Michelle生日月，所以咪趁機搵個理由約出o黎見下傾下計～！！

今日除左談及到近日o既生活之外，當然就不忘講下從前o既人同埋過去o既事啦～！！
由於宜家大家都已經分開左做野，所以可以有共同空間o既話題就肯定比以前少左～！！

而且佢地兩個又唔算係開話題好叻o既人，所以我就變左係大家開話題o既領導喇～！！
圍埋主要都係想講下笑傾下計，所以今晚就揀左去食放題兼諗住可以快快手食到野～！！

事因Tina放工都已經要7:00pm喇，最終我地搞到要成7:30pm先可以會合到啦～！！
原本我地都已經book左某間放題餐廳食野，不過最終我地就去左兆萬到試下第二間～！！
最終竟然俾我地waik-in成功喎，當我地一上到去之時就話即刻有位可以入座喇～！！
傾下行下咁樣唔經唔覺就已經去左10:30pm啦，所以我地最後就決定今日正式散場～！！