2014-07-01 00:18:14Ethan~

30/6/2014

 
回顧返過去原來已經有六年時間冇同阿仔o黎過,六年後o既今日重遊此地搵返d咩感覺呢~?!
一連兩日都會係由阿仔同我四圍去慶祝生日,而今日就先係兩仔爺同遊迪士尼之行先啦~!!

約左阿仔9:30am左右就先o黎建生接左我,及皈我地就去左大快活到食返個早餐先啦~!!
趁呢個時間主要都係講下掛牌人事宜,同時今日亦由阿仔口中得知巴爸亦已正式退休喇~!!

之後我地就先轉為講下近排身邊所發生過o既事宜,唔少得o既當然會講下娛樂新聞啦~!!
由於阿仔早前已經正式上左大陸工作及生活,加上早前佢屋企又有事發生令佢好累啦~!!

我睇得出自從阿仔北上左發展之後就已經有d唔同,而呢d唔同並唔係佢開始對我有變~?!
我睇得出亦都感覺得到佢極到唔願意自己生活係咁,但佢亦都知道佢只有接受呢個方案~!!

去程時間主要都係先講下開心事同埋旅行計劃,而今日o既原定都係打算o係樂園酒店住~?!
無奈阿仔於月頭時間諗住訂房之時都話已經爆晒,所以我地就唯有將兩日拆開去做計劃啦~!!

除左我本身好想住下樂園主題酒店之外,其實我亦都好想趁今次同阿仔好好咁一齊住返晚~!!
事因咁樣過埋夜先可以俾我地盡訴心中情,加上一連兩日o既慶祝活動又可以有連貫性嘛~!!

另外今日我地亦都有談及形象名唱歌等問題,事因每年呢d問題或活動都總有一兩轉啦~!!
不過宜家阿仔就已經北上生活o既關係,所以佢宜家都唔會點樣著佢買落o個堆靚衫嚕~!!

今日行程全部都係由阿仔負責安排,樂園活動仍然都係揀野o黎玩兼要影返d靚相留念啦~?!
六年前o既我地都比宜家年輕青澀,今日o既我地當然就係變得成熟但都仍舊係靚仔啦~!!

事隔六年重遊呢個地方就俾左好多感覺我地,而且呢轉我地仲一齊玩左好多機動遊戲啦~!!
但因為近年o既我先後都o黎過幾次,所以我對呢d設施o既新鮮感就肯定冇阿仔咁大嚕~!!

至於今晚o既晚餐方面當然繼續玩特別,而阿仔今次就揀左去迪士尼酒店到食自助餐呀~!!
最初我地仲打算要快快手食完之後折返樂園,因為今晚放煙花時間就安排左o係9:00pm嘛~!!
雖然最終我地都冇辦法趕得切返入去,但當我地完餐後想離開之時就發現出面落緊大雨喎~!?

而o係晚飯時段我地就想好好咁傾下計兼談下心事,因為宜家呢d機會都已經越來越少喇~!!
畢竟以前都仲可以揀下平日見面,但係宜家每月可以有個會面機會都已經係好難得o架喇~!!

今轉談及到好多笑話同埋過去o既往事之外,重點就梗係談及一下宜家同埋未來o既睇法~?!
對於佢要北上生活及工作大家都好唔想接受,但係現實當中又同樣會陸續出現唔少問題啦~?!

對於佢o係咁多年o黎辛苦經營返o黎o既野,最後又會唔會因為時間流逝而隨之消失呢~?!
我絕對理解同埋明白佢到底有幾掙扎同埋不快,因為佢宜家o既生活真係可以話係大倒退~!!

透過今晚同佢o既對話當中,我聽到佢內心真係好唔開心之外但係又要做到咩野事都冇咁~?!
到底呢種死頂同埋堅持又係咪一件好事,咁樣佢過去多年之中o既努力最後又係咪白費呢~?!
種種o既未知數就連我同佢都唔清楚,慶幸我同佢o既心態同埋想法多年o黎都係依舊接近~!!