經過左一星期o既病同休息之後，今日終於都叫做開始好返少少喇～！！
所以今日就應Phoebe約，同左佢地一齊出去尖沙咀一轉到打算睇熊貓展～！？

傾好左大約3:00pm去尖沙咀會合，及後我地就先各自食完左lunch啦～！！
不過佢地兩公婆最終就決定出到去食野，至於我就留o係屋企食完先出去啦～！！

至於o係去程中就同阿仔傾下Wtsapp啦，事因佢就同我報告下尋晚o既事宜嘛～？！
由於佢尋日去左幫前No.2個婚禮做兄弟，所以佢咪將其所見所聞同感覺同我講下囉～！！

而我出到尖沙咀當然就係先會合Phoebe兩公婆，及後我地就先講下近日o既生活事～！！
加上近呢兩個星期先後都將會有朋友結婚，但係呢兩場o既婚宴我地就冇計劃會出席～！！

原定計劃就話去睇熊貓展，不過今日出到去先知道個展覽尋日就已經完左結囉～？！
所以我地就隨即上網搵下有關資訊兼知道o黎緊要去邊到睇，所以稍後我地就會預約嚕～！！

正正就係因為睇唔到展覽o既關係，所以今日o既行程就突然改為行街睇下唔同野喇～！！
事因Phoebe屋企有好多森林家族o既公仔系列，所以佢現階段就打算再買ｄ公仔喇～！！

睇左兩轉之後終於叫做有ｄ著落，而Phoebe最終亦都買到部份心頭好返屋企玩啦～！？
但由於今日係父親節o既關係，，所以今日行程就暫時o黎到呢到為止就要起行返屯門啦～！！
事因佢地接住仲要去市中心買野兼準備食飯，而我亦都係時候要返去屋企食晚飯嘛～！！