今日約左人個好耐冇一齊外出o既朋友見面，而佢就係早前待業o既屈姐啦～！！
其實o係冇耐之前先收到佢通知話返新工，點知咁快又收到佢話應該會唔做喇～！！

我都明白宜家做野係有好多問題，但我點都估唔到佢做左唔夠一個月就出事～？！
至於佢點解會選擇唔做就梗憬有原因啦，所以佢今早就特意約左我今日出去傾下～！！

得知佢早前去呢間公司面試o既時候，原來佢係需要做一個writting test呀～！！
但佢公司近日就用呢個理由話發現佢作弊，所以現階段就需要出警告信俾佢喎～！！
加上佢上司早前亦已經同佢會過面兼做多次test，最終又真係發現其落差好大啦～！！

雖然我都明白佢宜家係好不忿，但佢公司ｄ所謂規則有的確有一個好大漏洞囉～！！
既然你咁大間公司係願意俾人拎返野返公司做test，咁樣自然就會有其他風險啦～！！

今日就約左佢2:00pm出左市中心會合，及後佢就先陪左我去拎返副眼鏡先啦～！！
當中就梗係俾佢講下佢o既不滿同近日o既事先啦，之後我就陪佢去食返個lunch先～！！

再之後我地就要出去沙田到買ｄ野兼行下街，事因我今日計劃買個袋俾阿仔啦～！！
至於新衫褲鞋襪方面就只係望過下，現階段我就仲未有好大o既衝動想買住啦～！！

加上今日我地都有睇下堆電子產品，雖然我早前曾經有諗過想買返部pad用下呀～？！
但我現階段就始終都仲有好多因素考慮緊，所以我咪遲遲都仲未落到決定係咪會買嚕～？！

至於夜晚方面就返左屯門到食，及後我就上左去佢屋企到同大家玩左一排game啦～！！
唔經唔覺就已經玩到半夜時間囉，所以我地大家傾完計又玩完之後就正式散喇～！！