呢期唔知係咪興玩突襲，我已經先後兩次夜晚俾人叫出去食糖水喇～！！
上一次就係家姐同姐夫佢地啦，至於今次就到返阿姨同埋姨丈叫我出去喎～！！

最頂癮係佢地原來o係係黃金o個邊晚飯，及後見到電視就忽返奇想有呢個念頭～！！
所以佢地就打o黎叫我落黃金會合佢地，之後就由姨丈出車一齊落落深井食呀～！！

大約9:45pm左右收到阿姨來電啦，起初佢打左o黎又唔出聲但又聽到有笑聲嚕～？！
原來因為佢睇睇下電視就話想食糖水，及後姨丈就叫佢打俾我約埋我一齊出去～！！

起初呢個突襲應該係唔會成事，點知因為姨丈親自打o黎搵我而搞到真係要出啦～！！
由於聽日又唔係假期而且又咁夜，最初我都以為佢地打o黎只係吹下水或約之後啦～？！
但傾傾下佢地又話今次係o黎真囉，加上阿姨又叫我拿拿臨出門口去會合佢地啦～！！

今晚傾o既話題主要係補充之前o既野，事因Private已經開始Whatsapp大家啦～！！
畢竟距離佢擺酒o既日子都已經唔遠，所以我地大家都估計佢呢段時間應該開始搵人～！！
無奈經過早前多個會議傾詔晒所有計劃後，我地呢班掛牌係一致性決定唔會出席啦～？！

至於姨丈除左覺得佢人有問題外就係我地交情都麻麻，所以最終先搞到大家都唔去～！！
同時今晚亦聽到阿姨談及到Ken爺話想約我地食飯，不過個期暫時就仲未有定案住囉～！！

而有關於Tracy早前想約阿姨一事方面，就睇現階段P既發展都應該係會無疾而終～！！
有關各掛牌新一輪玩法都肯定會再有唔同，事因姨丈話遲下想私下約姐夫出o黎玩下～！！