今晚又再一次過去友愛到晚飯，事因又係佢地兩公婆叫左我過去～！！
而今次之行又真係好麻煩，因為今晚天氣非常之唔好又成日落住大雨喎～！！

全日都落住雨真係好麻煩，但由於我又應承左佢地所以就費事推佢地啦～！！
加上今晚我地三個又有要商討，所以我地就決定留守呢到繼續去傾有關問題～！！

事關Phoebe想搞個格仔舖。咁佢就想問下我再加上Jacky兩個人o既意見啦～？！
我地一直都知道佢對於手工藝好有興趣，所以我地呢班身邊人都好支持佢咁做啦～！！

至於佢地兩公婆下午時間已經出去睇過下，而佢地暫定o既地點就係o係置樂開啦～！！
其實做生意呢樣野我就真係唔太在行，但我地兩個就一一咁同佢地分析下所有問題～！！

另一方面．．．
今次之行除左去試下Phoebe煮飯功力之外，Jacky仲真係準備左部耳機送左俾我呀～！！
其實我之前有同佢提及過想要部耳機，而最終佢又真係講口齒送左一部俾我做禮物喎～！！

今晚餐飯同上次食過當然係有唔同啦，但我就覺得佢煮野o既功力已經算係唔錯架喇～！！
至於飯局期間當然不忘爆下料又搞下笑，而且我地又著手傾下下個月o既活動計劃呢～！！

正因為Phoebe下個月就生日，所以我都預早問定佢到時會唔會打算有飯局慶祝啦～？！
加上佢o既生日飯局基本上每年都係指定活動，所以咁樣咪當係個機會俾大家一聚嚕～！！

至於今晚呢場大雨都真係好可怕呀，事因我地之後上網一直睇到好多有關o既新聞呀～！！
港九新界多處地方都出現落雹現象，而且大雨又搞到多個地方出現問題兼交通癱瘓喎～！！
最終我就梗係等到佢中間停一停兩之時，快快手咁趕去車站到搭車返去屋企休息啦～！！