今日約左Michelle同Tina出去銅鑼灣，主因就係因為今轉係要拎手信兼小聚～！！
事關早前Tina去左日本旅行買左ｄ野俾我地，所以今日亦同時幫佢慶祝埋生日～！！

早前已經由Michelle去搞掂好晒所有安排，而我地就約左4:45pm去到Sogo會合～！！
至於今次聚會除左有我地三個主角之外，同時我亦帶埋公司位新人Issac一齊去～！！

雖然同Issac合作左唔係好耐時間，但係我地都覺得佢係一個幾聽教同埋肯學野o既人～！！
加上佢平日生活又係比較平淡，所以我咪諗住叫埋佢一齊見下世面同埋學下同人溝通～！！

我同Michelle就對慣對熟左佢，而Tina首次見佢o既感覺同評價都話佢幾唔錯啦～！！
而我地圍埋當然有講下大家o既近況啦，同時又回顧返從前六人幫做野o既生涯呢～！！

諗返起真係有好多回憶同感受，可惜今時今日大家都已經各有各忙碌o既生活喇～！！
至於呢部份時間係講緊我地o既過去，所以Issac聽唔明我地講緊咩都係一件正常事～！！
再者我地都唔打算佢會聽得明白我地講緊咩，最終我地幾個就決定用剪接同暗號方式去講～！！

講開今晚呢餐飯方面o既評價，我地幾個都覺得其實呢到個環境同埋ｄ野食都真係幾唔錯～！！
由於我地食晚飯o既時間就尚早，所以o係飯後o既時間就去左附近到行下同埋睇左陣野～！！

原本Michelle仲話想去唱Ｋ囉，不過最終我地其餘三個都唔太感興趣而令活動取消啦～！！
講到玩方面當然佢就係最活躍o既一個，但我地三個就先後考慮埋時間同經濟等問題嚕～？！
因為下半場活動最後決定唔去之後，我同Issac就行返過去灣仔各自搭車返家就正式散喇～！！