新一年o既第一個月已經o黎到尾聲啦，所以今晚就應該到阿仔出場o既時候喇～！！
今晚約左6:30pm出到市中心會合，及後佢就話帶我去一個新地方食下韓國野喎～！！

至於今轉會面時間當然就係先講下本月o既事，加上佢又係本月最後一個出場呢～？！
所以佢一見到我就話先update下我呢個月o既事，而我就選擇左部份重點同佢講下啦～！！

而今次同埋下次會面一連兩場係有關係，所以今次就先同佢講下今年開始後o既事啦～？！
由於今個月原定有三個活動或聚會，但呢三場活動後先都因為人事問題而全數取消晒喇～！！

今年全我正式開始抽身o既新玩法，所以之後o既所有活動都唔會再由我負責出通告啦～？！
而我亦已經趁今晚同阿仔表明本年度有咩計劃，而數個計劃主打只係得三至四個左右啦～？！
加上呢堆計劃基本上係全數同佢地冇咩關係，所以有關月份我就會個別通知有關人士～！！

今個月我大致上都可以話係平平淡淡咁過啦，事因我已經開始減少左出活動o既次數喇～！！
加上呢排大家都係主要各自忙自己野兼準備新年，所以呢段時間都應該唔會再有咩玩囉～！？

我亦向阿仔表明自己去到今年選擇抽身，主要係因為我已經覺得心淡同埋唔想再有太大責任～？！
畢竟各個唔同o既活動大家都有份，但點解最後搞到連主角自己都好似冇晒責任做跟進呢～？！

有關問題我已經先後同『愛人』、阿仔及世俊傾過，加上佢地都知道我講得出做得到o既性格～！？
我知道去年時間好多人都努力表現自己，甚至有部份成員仲好識揀時間去做野或搏表現啦～？！

但我所睇o既表現並唔係一時三刻咁短，反而全年度都有好表現或突出o既人先會令我欣賞囉～！！
而呢個道理近期都先後同左唔少人傾過，而我亦到希望去年有好表現o既人可以繼續努力啦～！！

是晚重點話題方面除左同佢講左近日o既事之外，當然我亦有同佢講過下去年度o既整體表現～？！
就住舊年全年度平均表現大致上都已經唔成問題，但多個已經傾左o既問題就必須盡早解決～！！
而佢本年需要面對o既各個問題陸續會出現，所以我亦希望佢有定心理準備去迎戰各大挑戰啦～！！

因應今年會轉用一個全新玩法o既關係，加上就住去年有o既問題亦需於本年開始作出調整～！？
所以佢亦應該知道今年條路將會比以前更難行，同時佢亦需要保持住一貫好表現俾我睇到啦～！！
畢竟每年有好表現o既人都有唔少啦，所以佢都需要知己知彼先可以進一步確立自己定位呀～！！