全新一年開始之後o既第一次會面，而今次首先就以最簡單o既方式會面同埋傾計啦～！！
因應佢早前提出要求話冇錢出街o既關係，所以我都唔介意第一轉就去返粉嶺會面喇～！！

大約2:15pm左右就去到佢樓下會合，及後就先交俾佢講下早前去左台灣旅行一事啦～！！
但係一開波我就已經聽到唔少怨氣同不快，所以呢轉亦都係俾佢講野及交代各事宜為主打～！！

為左份工同埋生活已經有一大堆野唔開心o既佢，加上佢又話早前施政報告出左之後更無奈～！！
可能佢算係中產級別兼且呢排好多唔順意o既關係，所以佢又突然話好想移民離開香港喎～！！

其實佢早前都已經為左份工呻左幾轉，但我最估唔到就係o黎到今轉仍然有呢個問題呀～？！
佢似乎真係覺得份工越o黎越唔適合佢，同時佢又好想盡早脫離宜家呢個工作環境啦～！！
經過左幾轉之後我都明白佢點解會咁多不滿，但我倆亦同時深明時下工作o既大氣候就係咁～！！

而除左佢宜家份工令到佢感到不滿之外，經濟同時亦成為佢最近感到幾大壓力o既來源呀～？！
話就話佢早前已經供完左兩間屋，但同時亦因為供樓問題而令到佢後備資金方面出現問題啦～！！
兩個問題同一時間出現的確令佢幾苦惱，但係呢兩個問題同時亦只係佢自己先可以解決到～！？

如果佢需要解決經濟問題就需要份工，除非佢可以好快咁搵到一份新工就可以紓緩部份問題～！！
至於佢早前去左旅行一事又係得個不快，所以呢次佢都真係幾多唔開心o既事要同我講啦～！！

上個月會面之時就知道佢月初去旅行三日，而是次主要目的就係去撮合Marcus及Ling姐～！！
但聽佢部份事宜之後就知道係失敗收場，加上佢地三個又對另一位同行o既人感到嚴重不滿～！！
聽返『愛人』講話呢個同行o既人絕對係個麻煩港女，而且佢仲對呢個人完全冇好感添呀～！！

佢話佢地四人早前o既旅行係分開兩架機去，但一去到當地個港女就隨即開始發揮其本色～！！
由於佢同埋Marucs對當地都唔熟路，但估唔到佢地一落機就竟然俾兩女遺留o係機場呀～！！
及後佢原本打算去睇下景點o既計劃都冇埋，而夜店經歷一事後更令佢拒絕再去呢ｄ地方玩～！？
聽完佢一連串對於是次旅行o既不滿之後，佢就話佢三五七年內都唔再考慮再去台灣玩喎～！？

而佢除左對以上各項事宜感到不滿之外，返港當晚仲不幸地趕唔切A43尾車而要搭N42A啦～！！
雖則我本身就未搭過但都知呢程車真係好長程，所以佢又話佢呢世都唔會再搭兼好記得佢～！！
另一方面就住佢離開及返港後都有做足交代俾我一事，我就覺得佢真係抵讚及終於真正做齊～！！

另外是次會面當中除左有佢講下呢個月o既事之外，我地亦都有談及到早前o既樂壇頒獎禮～！！
就住有關事宜當然就趁機講下本年度各個計劃，而暫時我都未有特野野需要佢於本年內完成～！！
我都有講到除左部份特別月份之外，其他各個月份都會以簡單化形式完成年度meeting呀～！！

而每次同佢一講到約期o既事宜，唔知點解佢就肯定有ｄ理由彈出o黎同我拗下數先安樂囉～？！
畢竟佢上年表現已經叫做唔差，而年度又係一個新開始及令我希望佢可以全年有個好表現～！！
所以我亦表明希望佢能夠全年12個月能夠齊數，而佢就居然問及我有冇聽過咩叫缺憾美喎～？！

同時我亦聲明我唔會就住約期問題糾纏，而佢亦需要明白到主動交期同埋配合係必須o既～？！
而佢就回應話主動正正就係佢冇o既野，所以佢話約期一事方面就仲要進一步磋商至有結果～！！
因應佢唔肯主動去俾期我o既關係，我只好同佢講明一旦收唔到期就會由我定o既新期為準～！！

佢亦深明應承左我之後就必須要做到，所以佢宜家已經唔敢再答應我任何新開o既要求啦～！！
但我都可以o係唔開新條件情況之下繼續追舊數，所以佢都知道根據從前既協定去做事較好～！！

我今轉其實亦都有同佢講到我地掛牌圈o既事，因應我今年開始抽身唔會再做任何活動策劃～！！
所以近日就陸續出現我抽身後o既後遺症，而我其實就係想佢明白眼前好多野都唔係必然～！！
雖知道一個人可以得到唔同界別o既認同，本身佢都需要經過好多努力同付出先會有此結果～！！

至於o係我地食下午茶時間之時，佢又話早前Marcus問佢有冇興趣一齊讀返個碩士學位喎～？！
而就住有關事宜我亦同佢分析左唔同層面o既考慮，而最終決定當然就係由佢自己揀啦～！！
但佢表示如果呢兩年內都唔讀o既話，一旦過左30歲之後o既佢就肯定唔會再考慮去讀喎～！！
雖然我都好理解佢所提出o既各個論點，但我亦同佢傾下佢眼前及之後需要考慮o既各大問題～！？

對於職場上o既變化除左有地位之外，或者今日大家都認同仲係需要有學歷及經驗等o既野～！？
而且我地都覺得對於工作方面做人必須要夠惡，可能係我地都已經明白呢個就係生存定律啦～！！

至於有關於佢近月o既脾氣及忍耐力方面，我今次都有同佢講到話佢向來都出名唔錯啦～？！
但係最近o既表現的確令我有ｄ詫異，畢竟佢以前都真係好忍得兼且仲係一個好樂天o既人～！！
而佢o既回應就話人會變月會圓，佢已經由從前圓滑o既圓形變成左今日o既正方形甚至三角形～！！

至於是次會面過程當中都有提及到部份舊同事，而佢當然就仍然因為佢曾經被屈一事而記恨～！！
佢話過佢呢一世人最憎就係俾人屈佢，所以佢呢世都唔會原諒曾經冤枉過佢o既任何人喎～！！
而我亦就住有關事宜一再提醒佢，如果佢真係唔想再有同類事件再次發生就必須注意自己言行～！！

另外當談及到食煙同飲酒等話題方面，佢亦都有再次堅定自己唔會再同呢兩樣野扯上關係～！！
事因佢本身都已經覺得酒係非常難飲啦，至於煙方面就真係自佢的起心肝戒左之後就冇再重犯～！！
同佢先後數個月o既會面的確睇到佢有好大改善，而今次見到佢唯一令佢憂心o既就係佢脾氣囉～！？
一個本身好樂天兼好積極正面o既人，突然間因為呢期o既事宜而令到佢開級性情大變都幾煩～？！

雖然我絕對理解佢眼前係有一連串問題需要解決，但我始終都唔希望佢遺失佢自己o既本性～！！
經過三年多o既時間開始見到佢定性兼開始為自己打算，其實呢件事對我o黎講都應該算係喜事～！！