日前就剛剛回顧左自己上年o既事，今日終於正式開始本年度首個飯局喇～！！
而今晚我同Raymond就約左屯門V City晚飯，事因佢話有ｄ野要拎入o黎俾我～！？

至於今晚就約左7:00pm會合，及後就o係呢到同埋市中心行左一排先啦～！！
之後我地就決定早少少食晚飯，因為我地都好怕之後夜ｄ時間就好難先等到位嘛～！！

今轉會面主打都係講下近日o既電視節目，而且早前又有音樂頒獎禮做完左啦～！？
所以我地今次主要就係圍繞住娛樂話題去講，及後佢又轉為同我講下相處o既問題～！？
雖然我知道佢近年都好心急想搵個女仔拍下拖，但姻緣o既野又真係可遇而不可求喎～？！

至於年頭時間已經有節目想排期，而第一轉就係大妹同埋屈姐個畢業外景相活動啦～！！
日前大妹已經私下搵我傾過有關事宜，但至今佢地兩位主角都仍然未有共識俾到期嚕～！！

就住有關事宜阿仔及秘書都有同我夾過，而我就梗係睇下大家到底最終排到個咩期先～？！
自上年開始已經陸續淡出家族活動o既佢地，估唔到今年竟然會係第一個搞活動o既人～！！

至於最終能否出席到相關活動，我地現階段的確需要認真夾一夾個期到底擺o係幾時呀～？！
畢竟月尾時間又疊住農曆新年時間，所以呢個月一旦搞唔掂就肯定需要將其推至下月啦～！！

加上我今年開始亦唔會做任何活動搞手，所以我最終只係睇通告而決定會否出席到啦～？！
同埋近幾年開始已經開始覺得心淡o既我，今年就更加唔會為任何人去做節目編排嚕～！！

我希望o既係佢地都應該知道自己身邊有咩人要重視，而再唔係為出席而出席咁冇責任～！？
其實大家都應該知道身任搞手o既人係好辛苦，但近年好多時最終出o黎o既結果又係點呢～？！
既然睇到大家都唔係真係咁有心去繼續維繫，我亦覺得o係呢個時候抽身係最合適o既時間囉～！！

或者阿仔睇到我今時今日仍然有影響力，而且我仲係咁多位掛牌之中最具說服力o既人啦～？！
正正亦都係因為咁o既原因，我宜家根本就唔再需要去做埋晒以前要去努力o既階段野啦～！！
我深信經過左咁多年o黎o既努力同付出，咩人先係最得人心o既都可以話係有目共睹嚕～！！