今日係本年度o既最後一日，可惜我都係冇假放兼且又冇得早走啦～！！
而早前已經經歷左多場演唱會o既關係，所以原本計劃就係唔打算再外出啦～！！

不過今日早上時間收到秘書wtsapp喎，佢竟然主動問我今晚會唔會出去～？！
雖然我都知道今日係佢o既正日生日，所以我經過一陣間o既考慮之後就應承佢～！！

及後就去到我收工之後先搭車出去，而我地今晚就揀左去旺角食個晚飯啦～！！
而中段時間少不免就係吹下水啦，當然我地都有回顧左部份2013時所發生o既事～！！

仲記得上年今日都係一同慶祝，而大家經歷左一年時間之後最終又有咩得著呢～？！
今年同往年的確有好多唔同，事因我地眾人今年都並冇計劃會一齊出外倒數呀～！！

所以佢就問及我有關事宜喇，可能我地早前幾年成班人都基本上係會計劃一齊過～？！
或者係因為時間同心態兩方面問題，我都唔知點解今年冇乜太大衝動好想再出去迫～！！

而o係晚飯時間過後，我地兩個就由旺角行到落左圓方附近到準備睇煙花倒數啦～！！
起初佢都應該係想行到去尖沙咀睇，不過行到佐敦附近都已經見到佢封晒路囉～！！
所以我地最後去o既地點同上年就一樣，只係位置方面比上年較出但又算有優勢啦～！？

經歷左呢一年時間，我地同樣未正式開始倒數趁住呢個時候諗一諗來年有咩願望啦～？！
其實人大左好多時想要o既野都係好簡單，所以我同佢o既心願都係希望開心咁過生活～！！