今日係一年一度o既平安夜，不過今晚o既我就絕對唔會悶住咁樣過呢一晚呀～！！
雖然早前都已經計劃左有兩場Joey演唱會要睇，但今晚竟然意外地有得入紅館喎～！！

日前秘書問及我有冇興趣一同平安夜入場，我就梗係諗都唔諗就即刻應承左佢啦～！！
畢竟平安夜可以o係紅館睇住演唱會去過，我今年就真真正正係第一次咁做喇～！！
當然約埋去睇o既演唱會本身都要吸引到我，所以我宜家臨時又要加睇多一場囉～！！

我地兩舍今日都係要返工，所以佢同我都係收工後各自出去紅磡再會合囉～！！
今晚繼續以簡簡單單o既晚飯作結，事因佢竟然諗到求求其其咁食左Ｍ記就算嚕～！！

至於今晚話題主要係圍住講演唱會先，及後竟然轉為講到我表哥及表嫂相處問題嚕～！！
當然我地知道或睇到o既野都有唔少，不過我可以肯定o既當然係我一定比佢知我多～！！
到底係咪每個男人都會係一樣，拍拖時期同結婚之後o既感覺或表現可以落差咁大呢～？！

傾到咁上下時間之後，我地就好慢條斯理咁行過會場附近到坐多一陣先排隊入場～！！
及後當然就係欣賞我地首個平安夜演唱會啦，而是次考核當然對我而言又係過晒關啦～！！
好彩我事前已經溫晒佢近年o既歌先入場，如果唔係情況就同上次Eason差唔多嚕～？！

事因佢今次個rundown係以快慢歌作間段，每每情歌呢方面一出都唔會係太難啦～！！
畢竟佢好多情歌都會係派台作品或hit歌，但快歌方面如果唔事前惡補一下就好易出事～？！
全場成個rundown加encore部份，我全數歌曲都識晒兼叫做去之前做過下功課啦～！！

一如以往都係慢歌比較熟悉同吸引，而快歌方面主打都係用o黎帶動場內氣氛啦～！！
而佢今次整體表現當然又係唔差啦，不過可能因為堆歌o既問題而令大家共鳴感稍減～？！
但係去到最後encore部份一出就全數都係hit歌，而且仲有兩首大家都好期待o既歌涊～？！

好多我期待聽到o既live版都有晒，當中梗係唔少得兩首〝On Call 36 小時〞o既主題曲～！！
其實電視劇o既威力真係唔可以睇少，因為當佢唱〝連續劇〞及〝續集〞係全晚最high呀～！！
加上今晚又係平安夜開show關係，所以今晚Joey都唱到近1:00am先正式散場呀～！！