尋晚通完頂之後只係訓左一陣咋，及後下午就有第二場約會要出去喇～！！
而今日下午就去左天水圍一轉，呢個地方的確令我有種特別感覺～！！

回返起當年o既天水圍係我常去o既地方，今日重踏此地就真係好唔同～！！
已經有好多年都冇入過去呢到，而今日就係應四妹約而去呢到見過面啦～！！

我同四妹都已經有一段時間冇見，但每次見面o既感覺都唔會陌生啦～！！
至於佢今次特登約我會面傾計一事，主要係我日前o係Facebook到留左言～！！
身邊多個朋友都知道我有事唔開心，所以佢地都好關心我而想約下我啦～！！

其實今日會面時間唔算好長，事關佢需於4:30pm左右就有要事要走啦～！！
不過今日傾左o既野亦都唔算好少，但係主打o既話題就係圍繞住生活囉～！！

今日先知佢暫時都未有工返，同時讀書o個邊亦於早前時間已經完左喇～！！
所以佢呢期都係以搵工為主打，但我都聽得出佢對做野呢方面有ｄ疑慮～！？
唔經唔覺呢到出道o既所有掛牌人，全數都已經讀晒書要正式步出社會喇～！！

除左講到生活o既事宜方面，當然佢都有向我問及一班掛牌人o既事情啦～！！
大約咁同佢交代過部份掛牌人o既近況，同時我又叫佢多ｄ出席未來o既活動～！！

至於是日主打題目就係感情事，其實我同佢都分別有講到自己o既野啦～！！
聽返佢俾我o既分析及見解之時，我真係突然間覺得呢個妹又成長左呀～！！
我同佢近日都不約而同咁為情而苦惱，但我就加埋朋友及工作等元素啦～！！

同佢講左近排所發生o既大部份事宜，同時又聽佢呻下佢最近o既不快啦～！！
其實我地對感情o既睇法都好近似，最終目的都係想搵到一個自己所愛o既人～！！