近日為左生活上o既問題而不快，所以呢個星期心情都係比較差～！！
至於身邊一班朋友當然有問候我，而且佢地亦都有先後開解下我啦～！！

由於自己知道自己心情唔好，所以呢幾日都好早就已經去左訓喇～！！
事因我真係唔想因為自己而同人開火，加上嘈完咪只會令自己更不快～！！
而且訓覺或者係一個幾好o既避靜方法，最終我就只好選擇去咁做啦～！！

我心知自己係好想某ｄ特定人陪下自己，無奈佢地都唔為意我有事咁～？！
或者佢地出手係會任何人出手都見效，但我亦慶幸身邊有唔少好朋友啦～！！

日前Phoebe同Jacky知道我唔妥，所以佢地兩位又再度出手約左我出去～！！
佢地今日打o黎話約我出去遊車河，事因我地出去玩下傾下就可以舒緩下～！！

基本上會做o既野同以往一樣，都係由Jacky車我地出去望下海同傾下計～！！
及後就又係同以往一樣，事因我地又係去左深井到食埋糖水先折返囉～！！

我就為左生活同感情事甚為煩惱，而佢就梗係為左之前份工而煩惱啦～！！
不過每次當我地三個一聚埋，笑話就總係連續不斷咁令我地笑過唔停囉～！！

食完糖水之後仲返左轉愛琴送外賣，之後Phoebe又話想去食多個M記喎～！！
既然聽日我地三個又係放假，最後就咁搞一搞都已經搞到近3:00am喇～！！

最後Jacky就提議我地上去友愛繼續傾，反正我地都唔打算咁早就完嘛～！！
事後Jacky佢地仲話叫我o係到沖涼過夜算，反正明早又可以一齊去早餐～！！