７／９／２０１３
臨近中秋節o既呢個月繼續擺o係月頭，而今次Meeting個期係由『愛人』決定～！！
至於時間同地點就同上次一樣，繼續都係下段至夜晚於粉嶺作簡單會面啦～！！
其實呢次個期都係比以往落實得較急，事因呢次個期都係早幾日先至拎到咋～？！
大約4:00pm左右去到佢樓下，不過今次唔同左o既就係佢o係車站準備接我～！！
一如以往開波前都係講下題外話，其實今日亦係北區路線重組o既最後階段啦～！！
雖然我都知道佢唔太常搭巴士，不過有關o既生活元素亦都會同佢提及下囉～！！
而今日o係另一時間亦都提到新車問題，事因佢話近日見到有批新車行118呀～！！
所以佢就問及我係咪有批新車出左牌，而且仲問到118幾時會轉為東廊雙向特快～！！
之後就先將時間交俾佢交代下佢o既近況，畢竟一個月o既時間係可以發生好多野～！！
我發現每次講到呢部份，佢俾我o既答覆基本上都係一樣話自己於忙工作但平淡～！！
基本上交代完佢o既部份之後，我就開始追問返佢早前叫佢幫我拎單張o既事啦～？！
至於最終佢俾我o既答案同我估計o既完全一樣，所以我都只係話左佢幾句就算～！！
雖則我一早就預左佢最後會做唔到，但係我都希望佢真係會試下諗方法去做俾我～！？
下一部份就轉到講到佢o既表現，早前已經話過佢唔好唔覆msg同埋記得主動俾期～？！
點知佢又同我玩野話一定要我問先肯俾，如果唔係佢就企硬唔會交個期出o黎喎～？！
今次提出要佢主動交期一事，其實早於上次會面已經傾過話稍後會轉新做法啦～？！
但係佢就話一向都係由我做主導問開，所以佢就唔考慮轉由佢做主導去俾期喎～！！
至於上次會面亦有提到o既後備期方面，今轉亦都有趁機同佢再傾一次個做法啦～？！
而佢就企硬話佢俾得個期就肯定係得，所以後備期呢個做法就暫時冇需要喎～！！
就住有關問題再一次強調如果係冇甩期情況當然好，事因我真係唔想佢重覆犯錯～！！
原本我係計劃今日同佢談及下未來各項計劃，事因掛牌上將會有一連串o既改動～？！
畢竟早前發生左Ken及Tracy單野之後，經過我地商討後就決定左整返個重組啦～！！
而一旦真係行到重組呢個方向，及後好多人o既掛牌身份就會有所變動或大執嚕～！！
今次繼續同佢談及到佢o既問題，第二個問題隨即帶出溝通、相處及維繫等問題～！！
事因我都有就住離婚呢單case同佢傾過，因為我都好想聽下佢意見同埋分析呀～！！
經過分析之後當然有佢o既睇法，佢始終都覺得有第三者出現o既可能性最大啦～！？
事因當談及到呢部份o既時候，佢都有諗返起佢同佢Ex曾經都發生過類似情況～！！
同時我亦有同佢提到一個問題，就係我每次唱親〝心淡〞呢首歌都總有事發生～！！
而佢就話既然呢首歌經過多次都係出現咁奇怪情況，以後就唔好再唱呢隻歌喇喎～！！
至於佢就話我其實係可以選擇去唱第二隻歌，例如係我曾經唱過o既〝花千樹〞啦～！！
而當講到聽歌及唱歌呢部份，我就順水推舟咁帶出今日另外一個要傾o既議題啦～！！
我話不論係聽歌定係唱歌都好，重要o既就係首歌可以俾到感覺同畫面自己去唱～！！
畢竟我地大左之後同以前要求係唔同左，事因我地要o既係感動同共鳴感等元素～！！
唔知點解呢部份佢就不停咁話好認同我，但佢就表示自己對音樂o既野無興趣嚕～！？
事因我今次再次提出叫佢陪我睇Joey演唱會，而佢就暫由堅持否決改為會考慮啦～！！
同時我當然有問及佢上次所揀o既歌係咪有意思，而佢就答我話只係因為想唱啦～？！
但講到我上次叫佢努力兼佢提到首〝16號愛人〞一事，佢就表示佢當時只係亂嗡～！！
其實今次有多個議案會同佢談及，至於未來三個月o既活動提議案亦有講到啦～！！
因為我地早前都講到希望爭取時間去經歷多ｄ野，所以我地就係時候做定計劃～！！
但當我向佢提出一大堆可行性計劃時，佢就乜都ban晒我而搞到又差ｄ又嘈交呀～？！
我需要因應返佢提供俾我o既期去做安排，而佢原定今個月旅行計劃將會延期～！！
事關佢話佢同Marcus仲未傾掂數，所以佢地就將有關計劃暫時推至下個月喎～！！
一個月比一個月強硬o既佢，今次o既態度上又比早前唔同左兼企硬左好多呀～！！
以往我提及到cut人收位呢問題佢都總會怯，但今次o既佢竟然完全唔怕我會做～！！
點解我地會講到呢個問題，事因咪就係因為離婚單case所帶出o既牽連問題囉～！！
掛牌制度上一向都係好少行到呢套，除非該掛牌係做左ｄ大家都唔接受o既事～！！
而佢就話如果我cut左佢『愛人』呢個位，早前講過所有會做o既事就全部取消～！！
因應佢提到呢個要點o既關係，我原本計劃對佢實行o既新制度就肯定要擱置啦～！！
事因佢都好堅決反對行新制度同玩法，而且佢又話現行呢套玩法唔見得有咩問題～！？
另一方面．．．
今日當然都有談到我地生活中o既事宜，其中講到我最近考慮抽身多個範疇啦～！！
同時我地都講到現代o既人，多數係ｄ物質主義者或好多目的都係同金錢掛鉤～！！
而佢就話如果我現階段揀放棄o既話，我好可能將會失去宜家擁有o既一切喎～！！
同時我亦o係傾活動部份中提到要佢陪我玩，佢隨即就提出一大堆理由去推翻～？！
我知道節日同禮物對佢而言唔係重點，但節日對我而言就真係別有一番意義嘛～！！
所以我趁機有叫佢陪我過或送禮物，而佢就堅決話唔會似其他掛牌咁遷就我囉～！？
及後當我叫佢贊助我換手機之時，佢就話左我一餐兼話唔準我咁追求物質嚕～？！
而且佢仲話如果佢贊助左我換手機之後，我就以後都唔會有機會再見到佢喎～？！
照睇我今次一連串o既要求多數都被駁回，所以我之後都唔敢再向佢提出其他野～！！
而今次唯一可以順利通過o既議案，就係下個月佢會兌現返陪我去睇日落o既事～！！
不過地點同時間方面仍需協調，而且佢仲提出多個唔可以兼只限於277X沿線呀～！！
而講到晒月光及睇日落呢個問題之時，佢又無啦啦對住我唱〝月半小夜曲〞嚕～！！
當傾到日落呢個計劃o個陣，我一度爆過佢話上去佢景盛屋企到完下月meeting啦～！！
但我最估唔到佢竟然即刻答我好，佢o既回覆令我驚訝兼搞到我唔識俾反應佢嚕～？！
其實我早前係有計劃過其中一轉係上花都間屋做meeting，無奈宜家已經唔得啦～！？
事因我今日得悉佢呢邊間屋早前已經乜都cut晒，宜家就真係變左做一間吉屋喇～！！
而今轉會面期間都行左唔少路亦食左唔少野，當中o係KFC食野期間就講到cut人～！！
我藉住離婚單case所有問題提到有關問題，話如果掛牌人唔達標最終就會被out呀～！！
如果真係希望自己個位可以保得住，就應該有返相關o既義務、責任及表現呀～！！
再者我又藉住明晚就係『衝上雲霄２』大結果為例，再長o既劇都會完o既一日啦～！！
好似每套劇完結o既時間，當真係搞到要出字幕就只係會出現『劇終』一詞o架啦～！！
但係佢就竟然話可能係出『To be continued』 ，換言之佢肯定係知道我想講咩啦～？！
同時佢又對住我呻話因為要去飲，所以搞到佢冇得即日睇大結局而感到唔開心嚕～！！
及後o係球場到坐左一輪兼吹左輪水呢個時間，反而就係今日最平靜o既部份呀～！！
事因佢有同我講到佢聽日要走兩場出席婚禮，而且又同我談及到Ling姐o既野嚕～！！
每次講到面對感情同生活呢ｄ問題o既時候，氣氛好多時都會變得認真同沉重～！！
到底我地所想要追求o既生活又係咪可以如願，究竟點樣又先算係平淡生活呢～？！
至於最後一部份就梗係轉為講下相處事宜，唔經唔覺已經習慣左呢種關係三年～！！
回望返開始o既時候真係好簡單已經好開心，因為該段時間係相處上最好o既時間～！！
我地都心知彼此間個心都係欣賞同感激對方，只係我地都唔會用把口去直認囉～！！
而o係關於拍拖、結婚、失戀及擺酒等議題上，我地今晚亦都有探討過其問題啦～！！
我深深感受到佢真係好想搵到一段真愛，同時又感覺到佢好希望可以盡早成家～！！
至於佢o係我眼中其實一直都係一個好男仔，再者佢以前好多缺點亦都改左唔少～！！
所以我絕對相信佢係可以搵到一個真正欣賞同愛佢o既人，同時亦希望佢快樂啦～！！
而今晚為左搵間好食o既餐廳食晚飯，最終我地將佢附近可以行o既地方都行左轉～！！
突然間又令我諗返起三年前o既時候，我去親佢到都係會不停咁兜圈同坐公園嚕～！！
其實我對於食方面真係唔太在意，只係間野個環境唔係污糟到我接受唔到就得喇～！？
佢就話佢今日放工後先去左一個環境幾差o既地方食左個麵，同時佢都知我唔會去～！！
同時為左食野同等位呢兩個問題方面，我當然又趁機提出一個全新議案俾佢啦～？！
由於佢係一個好怕要等勁耐位先食到野o既人，所以我就提議下次可以轉場嚕～！！
反正我地未來三個月都會有唔同o既活動，屆時訂檯食晚飯就梗係少不免o架啦～！！
而當我今日問到佢點解俾今日個期我之際，佢就無啦啦問我想聽真話定假話喎～？！
最初我以為兩者點都應該會有分別，所以就叫佢俾左個假話版本我聽下先啦～！！
佢o既假話版本答案就係『因為我miss U so much』，咁我就梗係覺得佢玩野啦～！！
及後我就叫佢俾埋個真話版本我，點知佢就答左我『因為我miss U so so much』嚕～？！
再者佢又話我曾經提過話見面時間長短o既問題，係會直接影響我地o既溝通問題～！！
所以佢因應我提出o既要求，最後就唔將我要o既期擺o係平日星期一至五晚到喎～！！
至於就住朋友維繫及有難呢個問題，以及有異性冇人性兩個範疇簡單傾過下啦～！！
佢就話如果我真係有咩事或佢知道我有咩事，佢都一定會幫我同埋陪住我喎～！！
不過早段時間我為左多項決議案要通過，我曾經同佢講我會考慮霸王硬上弓啦～？！
而佢就同我講話如果我迫虎跳牆、趕狗入窮巷o既話，我之後就會知道後果喎～？！
對於佢o係態度上o既轉變，我早前都已經發覺唔妥兼覺得佢好有把握同我講數～！！
同時，佢今日又係咁對住我唱『磨滅我意志，減少我勇氣』呢兩句奇怪歌詞喎～！！
我明白佢係想話我唔好諗住再扭佢做ｄ咩，如果唔係佢就會將所有議案全數否決～！！
而o係埋尾佢陪我等車之際，佢亦因為明天要去觀禮一事而問我路及搭車方式～！！
所以我就即刻幫佢解決有關問題，同時我都有提到身邊人先後多次幫佢求情一事～！！
如果唔係我身邊有唔同人曾經出過手勸我，或者佢今日真係已經變成一個普通人～！！
同時佢又無啦啦對住我發神經，對住我笑笑口又講埋一大堆奇奇怪怪o既對白．．．
『You are so good，You are so cute，You are so lovely』，真係搞到我唔知點好呀～？！
至於o係今日所傾過o既各項決議案當中，仍然有好多項係仲未正式落實及通過～？！
畢竟仲有好多旅行、聚會形式及樂園計劃等事宜未搞掂，二讀始終就少不免喇～！！
所以我地就要留待下次會面o既時候，先再就住有關o既議題作進一步商討及落實～！！
我的宣言
贈你一吻或許 容易
唯獨你是那麼 特殊
令我鞭策自己 反省幾多次
艱苦也要為你堅持
沒有給你甚麼 奇遇
還是慶幸有種 自然
無論未來日子 翻起幾多風雨
緊握這個愛字
貧富生死也好 亦是極其願意
只知道是時候拿著鮮花
將心愛預留在盟誓之下
共你漫遊在天邊 看著低窪
想起我倆在某天白頭 無窮犧牲也不怕
從來事情並不容易 明白愛沒有許願池
是你不計付出 花光青春賭注
只等一個約誓 而我竟這樣無知
只知道是時候拿著鮮花
將心愛預留在盟誓之下
共你漫遊在天邊 看著低窪
光陰已變做美好年華
身份也是時候期待變化
恩准我用承諾除掉牽掛
若你的心疼痛 我更疼痛
捉緊我 同守衛這個家
即使心事莫名流動 霎眼已被看在眼中
如同遊同一天空
只知道是時候拿著鮮花
偏不信萬人面前跪不下
共你歷年尋新鮮 吃盡風沙
廝守到老亦毫不驚訝
身份也是時候期待變化
恩准我用承諾除掉牽掛
俗世想動搖我 我怕甚麼
聽清楚 同生與死好嗎