去完五日o既日本旅行返o黎之後，當然就係我o既正日生日飯局啦～！！
今年正日同往年好唔同，事因今年只係由阿仔同我一齊晚飯慶祝咋～！！

今日正日生日就梗係收到唔少祝賀，所以呢方面就同往年差唔多啦～！！
不過生日先o黎打風落大雨，最終搞到我地o既原定行程唔能夠順利進行～！！

由於我地原本打算入去馬灣晚飯慶生，事因我想搵返個有靚景o既地方過嘛～！！
但因應天氣變得惡劣o既關係，所以最後就轉為屯中食個晚飯慶祝就算喇～！！

今日天氣雖然就唔係幾好，但都仍然冇阻我地兩仔爺外出慶祝o既心情啦～！！
其實每年到左我生日o既時候，正正就係代表今年又已經過左一半時間喇～！！
換言之本年餘下o既時間已經唔多，同時下半年o既各項決議案亦陸續出台～！！

既然今個月係打頭陣同阿仔會面，首先就梗係同佢交代返一連串事宜先啦～！！
再者我每次去完旅行返o黎之後，都一定會有一大堆手信係送俾阿仔o架啦～！！
其實今次預備左o既手信都係有意思，因為我今轉係特別預備左一份心意野～！！

至於阿仔o係我離港期間都幫我做左唔少野，重點當然就係去幫我拎車啦～！！
所以o係今晚晚飯之後就去佢到拎返，至於事前就梗係有其他野要傾下先啦～！！

今日大約4:30pm左右出到市中心會合，及後我地去左Starbuck到飲下野先啦～！！
事因呢段時間又未夠鐘晚飯，但我地又想搵個地方坐低傾下近日o既事情嘛～！！

其實今日都係會由我做主打，因為我會將近兩三個月o既事一一同佢傾下啦～！！
首先當然就係同佢夾返下半年o既事，事因o黎緊o既野多數以佢為主導呀～！！
佢o既生日及畢業典禮將於下半年出現，所以我地高層早前已經夾左一轉啦～！！

正正因為下半年以佢o既野為主力，所以轉look呢個指定動作又會再度出現啦～！！
所以今次我都有同佢再重申一次，佢未來日子將會由內至外o既所有野都換晒～！！
其實我都已經分階段幫佢逐步替換佢o既衫褲，而且又會改變下佢o既形象呢～！！

另外今年亦係佢出道十周年時間，同時好多程序性o既野都將於本年度埋尾呀～！！
由於佢o黎緊將會接受三個項目o既考核，所以佢呢段時間就係時候要做下準備啦～！！
畢竟佢都即將步入人生另一個階段，所以呢十年應該要做o既野都係時候總結啦～！！

另一方面．．．
佢本年度o既表現今轉亦有提及，同時佢有咩係需要改變及注意亦都已經講左嚕～！！
我再一次重申今年o既我係會比往年較為強硬，所以佢都要同時做好心理準備喇～！！

至於早前我幫老表個婚禮及有關旅行o既事宜，我今次亦都有一一同佢提及到啦～！！
事因我除左希望同佢分享下相關經歷之外，同時亦希望佢會去感受下某ｄ野啦～！！

今日o既會面大致已經將想講o既野都講晒，同時我亦都已經聽左佢o既意見啦～！！
由於婚禮之後有某個女仔對我好似有意，所以我今次都特登同佢傾下相關話題～！！

以往好多時都係女仔主動埋我身，不過次次都係因為種種原因而未能開始啦～？！
或者我係一個好知自己要咩o既人，所以我都再一次提醒阿仔識女仔時要注意嚕～？！