今日中午同Jacky傾左一陣Wtsapp，佢話今日Phoebe玩病假冇返到工喎～？！
而且佢仲話Phoebe想約我下午出去食tea，所以我地兩個咪趁機聯絡下嚕～！！

其實自Phoebe轉左返呢份工之後，我地三個就已經冇以前咁見得咁密喇～！！
事因佢地兩個本身都有好多野要忙，加埋我地宜家ｄ期又冇以前咁好就呢～！！

難得佢今日突然話請左病假冇返工，所以佢地兩公婆咪約左去友愛一轉嚕～！！
由於Jacky下午要先去剪頭髮，所以開始o既時候就只係得我同Phoebe兩個～！！

經過尋晚一轉玩樂之後，其實大家都已經玩到好累而且仲覺得好眼訓添～！！
不過今日圍埋一齊之後，我地又變返做以前三人行咁勁多話題要講下喇～！！

首先就梗係講下佢地份禮物先，事因我尋晚搬佢返屋企o既時候真係好狼狽～！！
而且佢地又問下班朋友及我家人o既反應，而班人見到咁大隻公仔就梗係呆左～！？

及後我地就轉為講下Phoebe近日o既生活，事因佢呢排返工就返得唔係太開心～！！
今日下午聽佢呻過下有關問題，而我地亦都有就住佢同Jacky兩人o既睇法去傾～？！
我當然可以理解佢o既心態同諗法，因為佢呢個諗法係自結婚後就開始轉變左～！！

我地都係覺得趁自己仲未有小朋友前，好應該盡量俾時間自己乜都去試去闖下～！！
但係到結左婚之後，相反就會以家庭、親人同埋好友為自己o既生活主導呀～！！

其實身邊o既好友只會越o黎越少，但能夠真正繼續維o既就應該要好好珍惜喇～！！
至於家族方面宜家同樣面對緊呢個問題，事因好多人事上o既問題都越o黎越多～？！
我地都深明人生係雖然經歷唔同階段，同時o係唔同階段亦會有唔同o既需要嚕～？！

正正就係因為我地都經歷左唔少野，所以我地o既體會同埋感受都有唔少啦～！！
至於呢個問題我早前亦都同『愛人』探討過，而結果其實亦都係大同小異啦～！！

人就係知道自己有唔同需要，所以佢地就會向住自己想試o既野努力去搏去衝～！！
但當你o係好多方面都已經嘗試過之後，可能你就會覺得時間先係最寶貴o既野～！！
人生在世只係得短短數十年，咁樣我地又係咪應該要識得把握時間去及時行樂呢～？！

每個人o既價值觀都有唔同，我地都好難去話邊個先係o岩又或者邊個先係錯～？！
問題就係在於大家o既溝通同埋相處，或者呢ｄ就係我地成日講o既人夾人啦～！！

到Jacky搞掂左兼o黎會合返我地之後，我地就轉為講下班掛牌近日o既事宜啦～！！
事因我地都先後有同過唔同掛牌見過面，所以我地咪藉機交換下ｄ資料嚕～！！
好多成員都各自存在唔少問題，但我地都只好概嘆一句呢個係時間o既流逝嚕～！！