雖然尋日先同阿仔見完面，不過今日下午就再一次繼續約埋喎～！！
事因阿仔今日想去剪頭髮，咁我咪陪佢落去一次兼一齊食lunch囉～！！

至於今日o既話題同尋日有少許唔同，不過大致都係同佢前景有關啦～！！
尋晚就已經傾過及分析左唔同o既野，而今日就傾下佢未來見工o既事喇～！！
再者佢出道以o黎o既種種事宜都先後傾過，所以呢排多數都係做總結～！！

而夜晚方面就係兄弟名姊妹一聚，因為稍後時間就係表哥o既大喜之日～！！
所以今日都盡量約齊人開一次大會，同埋交代當日o既各項事宜及細節～！！

雖然上次已經開左一次會，不過今次睇返份野又見到有好多新改動呀～！！
可能係因應兄弟及姊妹團各自傾完之後，呢個先係最終極o既版本啦～！！

我地一行十人去左旺角食晚飯，大家好多人都係首次會面同認識啦～！！
其實今次認識o既感覺已經麻麻，所以及後又變返好似自有自做咁囉～？！

至於今次個大會就由男女主角負責，而且所有事宜都係由佢地去解釋～！！
而我地咁多位當然就係聽取分工，以及諗下點樣可以令當日行程順利啦～！！

對比返上一次聽個流程，唔知點解今次一聽之下就真正覺得有ｄ壓力喇～？！
可能係因為今次份流程比上次長，而且中間要處理o既野又有好多咁呢～？！
加上我今次參與o既部份又唔少，所以要記同負責o既野咪相對地多左囉～！！

經過埋今次開會之後，我地大家就要真真正正計劃好自己o既負責部份喇～！！
至於我就梗係希望呢日可以順順利利，因為我今次話晒都係重要人物嘛～！！