因應我今個月ｄ期排到相當爆o既關係，所以今日就一次過見晒兩位主角啦～！！
事因每個月都會做o既meeting及後已經冇時間，咁我咪全部約晒今日搞啦～！！

上段首先同阿仔見左一轉，事因佢早前幫左我出去拎車同埋拎衫褲嘛～！！
咁我咪要及早約個期等佢俾返ｄ野我，再者趁今日同佢做個簡單傾談嚕～！！

由於我今個月都好多時間要去忙其他野，所以好多野都只係簡單講左先算～！！
至於及後o既計劃同埋安排，最快都要等到七月先會再有期詳細咁去傾呀～！！
而且我今年生日安排方面，佢又將會同阿姨及姨丈聯手去搞掂就已經可以啦～！！

至於下段方面先係今日重頭戲，事因另一主打『愛人』同於今日會面嘛～！！
自上一次重新會面之後，我地上個月就揀左今日去繼續行返monthly meeting呀～！！

原定計劃係今日下午至夜晚時間見面，同時今轉係會繼續揀返粉嶺相聚啦～！！
每次會面都希望個一個步驟，事因經上次之後o既我就希望搵返〝那些年〞嚕～！！

雖然話原定計劃係咁樣行，不過今日約時間之際就收到佢通知話要出去行街喎～？！
不過會面地點就同上次一樣，至於時間就由原定o既3:00pm提前至2:30pm啦～！！
地點當然繼續係佢樓下會合左，而o係我地會合左之後就去食左個下午茶先啦～！！

起初我講到因為近日工作好忙所以好累，而佢就話如果係累就不如唔好去行街啦～？！
及後佢仲叫我不如o係商場地下訓陣，而我就梗係即爆佢話：不如上你屋企訓啦～！！

同時o係呢部份時間亦有講下樓價，事因佢花都間屋有人問升至450萬放唔放喎～？！
之後我地又提到上次o既部份，其中包括佢早前出外整台證時遇到佢前度女友～！？
再者，我又同佢講到我於早前一度夢見佢結婚o既畫面，而且仲係由我做司儀嚕～！？
而佢就不斷咁問返我到底見唔見到個女仔係邊個，以及夢內見到o既每個細節喎～？！

及後就照佢今日o既計劃去沙田行返轉，至於目的就係陪佢去搵母親節禮物喎～！！
行左勁耐依然冇咩頭緒同方向，所以佢就諗住同佢阿妹夾下睇下有咩可做啦～！？
最後俾我發現佢阿妹真係比佢更了解佢阿媽，所以禮物呢個問題就即刻解決左～！！

其實當我聽到佢同我講話要出去行街之時，我當堂俾佢搞到我呆左一呆囉～？！
我認識o既佢絕對係一個唔喜歡行街買野o既人，所以我最初都覺得係咪有古怪～？！
不過經過今次會面之後，我亦由我地對話當中從新去了解佢原來有左新諗法囉～！！

至於今日o既會面初段，佢就梗係繼續用返以往對開我o既搞笑手法出場啦～！！
同時佢今次竟然著左我上次去澳門買俾佢o個件衫，而且仲揹住個新買o既背囊～！！
而我今次開始就反而打算用一個新方向，事因我已經唔打算再用鬧o既方法喇～！！
可能一直以o黎鬥氣鬥咀都係我地o既相處模式，我地兩個都係各有立場同己見～！！

但經過上一次重新開始之後，我就將好多從前o既問題去深思左一個月時間啦～！！
既然已經搵到一個全新方向去行，咁不如一試去睇下咁o既改革係咪對大家都好～？！
我相信今次應該係咁多次以o黎。我對住佢最溫和同埋最順其自然o既一次喇～！！

佢起初發現我有呢個突變o既時候，佢都覺得我係有古怪同埋諗住同我鬥耐力～！！
佢話佢點都唔信我對住佢唔會發脾氣同唔鬧，而且佢又話佢會挑起我o既怒火喎～？！

首轉傾o既話題又係離不開CPH近況，及後就轉為講下佢PYH方面o既事宜啦～！！
今次講到公事o既時間唔係太長，反而談及生活、感情及相處等話題就較多～！！

食Tea期間主要就轉為講私事，話晒都已經有成一個月時間冇見兼未追到數喎～？！
所以我今次開波先以平和手法去追數，而佢亦都好快咁答應我今年會同我慶生～！！
至於我慶生o既安排方面，佢反而就話先兌現左陪我去主題公園呢張支票先喎～！？
雖則佢已經答應我會陪我去樂園，不過相關條件就係唔可以玩任何機動遊戲嚕～！！

難得佢肯自己應承我去做，我當然係覺得開心同埋即刻完成相關o既協定啦～！！
不過我想佢陪我去睇演唱會呢個要求，佢就用〝考慮下〞呢個回覆拖住我先～？！
雖然佢暫時係用考慮下呢個答案去拖，不過我睇得出呢轉成事機會都應該幾大～！？

另一方面．．．
我同佢今年都會各自去台灣一轉，所以今次見面都有談及到旅行o既事宜啦～！！
因應返佢下周就要起行o既關係，今日呢轉會面就梗係要問下佢到底用咩人去～？！
回想返台灣旅行計劃呢個問題，其實我地兩年前都曾經計劃過會一齊去返轉～！！
但照咁睇呢個一齊出外去旅行o既計劃，斷估都唔知要推至幾多年後先成行喇～！？

一齊去旅行雖然未能成事，但係我聽到佢今轉出外都好似有ｄ唔係咁滿意啦～？！
事因佢出外就喜歡玩自由式，但聽返佢講就話同行o既人原來已經排好晒行程喎～？！
我有問及點解佢會選擇同呢班同事去，而佢就話因為佢真係好想去一次台灣嚕～！！

而當我地講到旅行o既同時，其實我係有藉機同佢提及返堆欠下o既債項啦～？！
除左主題公園同埋演唱會之外，我早前其實係有打算叫佢陪我出尖沙咀睇鴨～？！
但係最終就因為我地都覺得現場實在太多人o既關係，而令到相關計劃擱置左～！！

另外．．．
我上次同佢約期之時其實係有提及上花都，不過佢今日竟然冇帶鎖匙o係身嚕～！！
事因佢打算今日同我出外行街都應該返唔切去，所以佢咪一心諗住唔使帶囉～！！
但係最終因為份禮物就由佢阿妹買，而且食飯時間都未到就已經行晒成個場喇～！！
咁我就梗係藉機去抽擊下佢點解咁大意，而佢o既反應就竟然俾我估計仲要大嚕～？！
我都係好似以往咁抽擊佢，但佢就話：我係乜都唔記得，但我記得今日約左你嚕～！！

見到佢反應突然咁大已經嚇窒我，再者我今次真係唔想再用以往硬碰硬o既手法～！！
所以我最終就採取讓步o既方法去處理，之後佢就陪我去睇左一陣巴士模型啦～！！
咁當然今次除左有我講我o既興趣外，同時我都有同佢講下足球、打機同埋漫畫～！！

由於佢稍後就要去旅行o既關係，所以佢都有問到我如果佢當日出發有咩車可搭～？！
我當然就係介紹佢搭一程過o既A43啦，但係時間上就要佢自己早ｄ做好預算啦～！！
而o係佢陪我去睇模型之際，佢就問到我早前送俾佢o個幾架車宜家放會值幾錢～？！
我就隨即答佢話放血就有佢份，而且我一再強調呢四架車我可能會隨時沒收返嚕～！！

唔知點解今次o既佢比起以往o既唔同，我感覺上就係佢o既自信心大左好多呀～！！
所以我都有問到相關方面o既野，而佢就回我話佢o既自信心係源自我俾佢o架喎～？！
正因為我有認真諗過佢受軟唔受硬呢一點，所以我今轉開始先打算對佢軟化ｄ啦～！！
點知佢就竟然諗住我軟化就食住我上，而且佢今轉仲唔止有一次相關表現添呀～！！

另因佢呢排好沉默於打某個Game，所以佢會相隔一段性時間就要打返陣機啦～！！
而我最討厭就係我地meeting期間，佢不斷咁拎部機出o黎搞一餐而忽略我囉～！！
所以我就試圖嚇下佢．．．我話如果佢再拎部機出o黎打，我就會令部機消失～！！
但佢就話佢打左呢個Game勁耐兼save左好多野，如果邊個令部機有意外都要死～！！

至於今日o係沙田行街期間，我地都行左唔少地方兼睇左好多唔同o既野啦～！！
而我地仲一度因為行到累而想搵個地方小休一下，最終就去左天台公園坐啦～！！
呢個地方最初俾我地o既感覺似係拍拖勝地，事關坐o係呢到o既都係一雙一對～！！
正正就係因為見到一雙一對，所以我地都突然談及到對拍拖o既期望及感受啦～！！

至於o係講到感情方面之時，我當然就有問及『愛人』曾經o既拍拖經歷同感受啦～！！
而且我仲趁住呢部份時間，再一次提及到佢o係呢兩年時間裡面o既各種表現啦～！！
佢首年o既表現的的確確係非常之好，無奈o係第二年就隨即插水兼出左唔少問題～！！
除此之外佢都有談及佢會繼續保持住第二位，事因要做第一位對佢係會有壓力～！！
佢表示一個人如果樣樣都做到最好，當有一次唔達標之時就會出現好多問題喇～？！

我可以理解佢o既諗法同心態，但係我就比較難接受到佢對自己有呢一個諗法～？！
而我再一次強調佢好多方面都係非常好，問題只係出於佢缺乏一份毅力同恆心嚕～！！
睇返過住o既歷史及其相關o既表現，其實佢都已經係掛牌史上一個傳奇人物啦～！！
佢一度寫下多個冇人有過o既佳績，而且呢一切表現至今都未有任何人打破到嚕～？！

出道首年一開始就已經打入第二位，但係隨後一年就竟然可以消失於二十大囉～！！
落差咁大的確令我感到失望，但佢就竟然滿有自信咁答我：最緊要我心中有佢～！！
而且佢仲提到就係因為我地已經歷左起同跌，咁樣我先至會對佢o既野刻骨銘心～！！
再一次俾我覺得佢自信心爆棚，或多或少應該係同上一次會面時講過o既野有關～！！

今次雖然叫做轉左玩法同佢會面，但鬥咀呢樣野就真係點都係少不免有ｄ啦～！！
畢竟佢掛牌期間都有唔少經典名句出現過，所以我就梗係會用佢o既野串返佢啦～！！
而今次唯一唔同就係佢除左有一向o既軟功之外，反應方面都比以往快左唔少嚕～！！

至於今日多次談及關於愛情o既時間，佢連番反問自己點解會搵唔到女朋友啦～？！
而我當然就住所有o既情況及分析同佢講晒，其實佢各方面o既能力及表現都好～？！
但最大o既問題就係佢行為似個基佬，而且佢o既表現亦俾我比喻為〝摺櫈〞囉～！！
正正因為我叫佢做〝摺櫈〞o既關係，佢隨後竟然無啦啦叫返我做〝櫈腳〞嚕～？！

而就住做人處事呢個話題方面，我地今日都得出唔少結論同埋搞出唔少笑話呀～！！
佢今日有問及我有冇好女仔介紹，但我回佢o既答案就竟然令佢覺得我口才唔錯～？！
再者當我回想返曾經o既時候，佢仲話我首度出場識佢ｄ朋友時o既表現好犀利～！！

今晚回憶返起好多曾經發生過o既事情，而且當講到唔同話題時佢都有唱返兩句～！！
佢表示每當佢失戀之時，佢都會走去揀定某堆歌唱下Ｋ去發洩下ｄ傷心情感嚕～！！
而o係夜晚時段亦都有問佢有冇興趣學下樂器，事因佢學左就可於我生日solo下～！？
點知佢除左答我冇打算之外，佢仲話solo就冇我份；蘇志仁就有我份咁話喎～！！

至於晚飯兼埋尾時間方面，我地就係時候就住下一個meeting期去提前夾一夾啦～！！
點知呢個玩法只係玩左一轉，下個期就因為冇辦法拎到共識以致未能確定到邊日～！！
而且佢仲話如果六月個期真係夾唔到o既話，隨即就會跳到七月同我慶生個期喇～！！

正正就係因為佢每次開親o既條件，下下都因為唔同原因而令其協定未能繼續囉～！！
而我就始終因為呢ｄ共識問題而搞到發脾氣，事因同一問題已經唔係第一次發生～！！
我無論如何都要佢諗個方法出o黎，但最終佢都係因為唔敢確定個期而唔答應我～！！
佢都知道萬一佢應承左我而最後又做唔到o既話，我就一定會起勢咁炮轟佢囉～！！

其實o係較早時間講食晚飯o既問題之時，佢都已經醒左唔敢揀ｄ冇冷氣o既地方～！！
事因佢都知道我一熱親就會唔好老脾，所以佢為左保障大家先決定轉揀返粉嶺～！！
我知道佢原先諗住同我去上水食野，但其實只要佢在場o既話就食咩都無所謂啦～！！

人生之中往往都會遇到唔少難題，其實睇返我地兩個都各自經歷左唔少野啦～！！
我地都深明要得到成功就需要付出努力，但同時要明白付出左努力又未必有成果～？！
事因呢部份時間一度談及到阿仔o既近況，所以我地都有就住生活而傾左一陣啦～！！

每次同『愛人』會面之後，我都總會有唔少得著、回憶同埋感覺一齊帶走啦～！！
而o係講到生活呢部份o既時候，其實我倆都有唔少感到慨嘆o既回憶同事宜～！！

唔經唔覺識左佢都已經第三年，我曾經多次用派台成績去比喻佢地o既努力啦．．．
佢每每俾我o既感覺就係好爆，事因佢一係就唔去做；一做就可以做到好好成績～！！
至於佢自己就用〝那些年〞呢首歌去比喻自己，事關佢o既出現隨即就得到認同～！！
呢個紀錄已經好多年都未有人試過，所以佢都自知自己係一個好得我歡心o既人～！！

雖然結果係可以由人去製造出o黎，但係個人o既表現或多或少都係需要有囉～？！
佢話既然結果係可以由我去決定，咁我就可以o係隻眼開隻眼閉情況下落實結局～？！

不過呢個時間佢竟然彈左句〝路遙知馬力〞出o黎，咁樣即係佢自己俾位我入啦～！！
呢句說話我從前都已經講過好多次，一直o既我亦都希望佢真係講得出亦做得到～！！
既然佢自己識得再講呢句話，咁我就隨即叫佢好好反省下呢句野背後o既意義囉～？！

感情永遠都係要雙方努力去維繫，我亦從佢以往拍拖o既經歷中向佢暗示左ｄ野～！！
由相識到宜家o既我地都係由在乎對方開始，所以及後先會努力為對方做ｄ野啦～！！
目的其實都係想對方好同埋開心，而付出o既背後係咪唔應該存有任何計較呢～？！

或者眼前o既環境真係已經大不同，而且我地亦冇可能再好似從前咁去相對．．．
但係o係最後埋尾o既時候，我就再重申一次其實人同人之間o既相處係要坦誠～！！
既然我都已經捉到佢鍾意用咩手法，咁我咪去改變一下自己去遷就下佢嚕～！！
明知用強攻迫佢去做而佢會反抗o既，咁不如改用軟功哄下佢叫佢試下去做嚕～！！
唔知係咪因為佢真係比較受呢套，所以我今次真係開始略見返ｄ成效咁呀～！！