30/3/2013
今日全日都落住勁大雨,不過我地三個就照樣接照計劃出去食飯啦~!!
同尋日一樣都係繼續三人行,不過今日唔同o既就係Phoebe要返工嚕~!!
至於我同Jacky就o係佢差唔多放工時候,去定佢公司到等佢收工啦~!!
事因我地今晚計劃係出尖沙咀食飯,所以及早會合埋就可以起行嚕~!!
其實呢個約定都係好突然,事關都係尋晚食飯時間無啦啦話想即將啦~!!
大約7:00pm左右盲去到華到會合,及後咪走去搭260X出去尖沙咀囉~!!
早於下午時間已經同Phoebe通過電話,呢轉講o既多數係d無聊話題啦~!!
事因佢今日返工時間都好無聊喎,所以咪打o黎同我吹左一排水囉~!!
至於Jacky尋晚就出去去接近玩通頂,而Phoebe當然就梗係有少許微言啦~!!
如果唔係佢都唔會特登打o黎同我呻晒佢d不滿,兼且仲玩爆料添啦~!!
由於天氣非常之差o既關係,所以我地今轉並冇打算有任何室外行程~!!
主要都係出去食個晚飯兼行下街,事因佢地兩公婆唔知係咪又有野想買~?!
最終Phoebe行完一輪之後就梗係有收穫,而我就暫時未有任何衝動住嚕~!!
由於我稍後將要買返d新衫褲,所以呢期都仍然仲係計劃中同埋睇緊~!!
等遲d時間搵日先同埋阿仔一齊出去,到昤先再正式展開我o既買野大計~!!
畢竟今年仲有好多計劃要去做,所以財政方面點都要比平日更審慎嚕~!!
出完尖沙咀食完個晚飯兼又行完街,最後就梗係要折返屯門o架啦~!!
但由於晚飯時間Phoebe話仲未食飽,所以佢就計劃要去食埋第二場喇~!!
起初行完玩具反斗城之後係打算再去食d野,不過時間上始終都係夜~!!
最終我地就決定返入屯門之後去食多個糖水,咁樣爆笑o既一晚就正式要完喇~!!