本年度另外一個o既重點聚會，今次就o係好急o既情況下叫做成功約到啦～！！
而今次o既主題當然就係姐夫生日，至於負責人就梗係由大家姐做返啦～！！

今次係兩日前先出memo話想約期，所以今次好多野都係準備得好急呀～！！
再者今次幫到手o既人又唔多，而另一重點係因為我今年將不會負責任何活動～！！
雖然今次都叫做係高層搞生日慶生活動，不過我地都係以簡單形式去做～！！

原本家姐有好多唔同計劃，但無奈時間真係太急o既問題下而搞唔到啦～？！
而o係我地幾位話事人傾左兩次之後，最終就決定左上去姐夫新居到搞呀～！！

畢竟早前都已經有計劃會上去，而今次聚會正正就係一個好o既時機啦～！！
而本年度o既慶生活動計劃將會比往年少，事因肯做搞手o既人手非常短缺嘛～！？
一如以往有做開生日o既重要人員，當然今年亦都係會o係計劃之內啦～！？

今次活動係以買外賣方式進行，而我同阿仔就早於6:00pm出左轉市中心～！！
事關佢要陪我去問下旅行團，再者我又要趁聚會未開始之前同佢傾先啦～？！
話晒今次呢個活動事前都有唔少風波，所以我都係要過定ｄ料俾佢啦～！！

而o係阿仔會合我之前，其實佢已經完成左幫手買蛋糕呢個任務啦～！！
由於我今年抽身各個活動o既搞手，所以今次o既助手就由阿仔及世俊去做～！！

至於我地搞好晒自己ｄ野之後，我地就先會合埋世俊同佢女朋友先啦～！！
及後當然就係聯同是次主角及家姐等人，一齊上去姐夫位於龍門居既新居～！！

另一方面．．．
今次同場出席活動o既人仲有舅父及屈姐，不過佢地就梗係被視為普通人啦～！！
事因佢地兩位近年及往年o既表現，將會引起另外一連串唔同o既話題呀～！！
一個就一向都被人覺得廢，至於另一個就因為把口而俾人覺得越o黎越討厭～！！

所以下半年o既各個活動，我地都會係會先夾好出席名單然後再決定活動性質～！！
畢竟過往o既經驗話俾我地知道，如果我地唔做好準備功夫就會好易有意外～！！

其實近年度好多活動都已經變質，以前都或者仲因為聯絡感情而搞唔同活動～？！
但係隨住近年度有唔少新掛牌登場後，好多時意見及相處情況都有所不同呀～！！
再者近年o係家族上o既是非亦都不少，所以我地就更加要小心處理各人關係～！！

雖則話動開始之前有唔少問題暗地裡發生左，但今晚其實整體氣氛都唔錯～！！
再者及後當阿姨及姨丈都到埋之後，全場就正式進入一個瘋狂去玩o既氣氛～！！

其實今晚大家都玩得好盡興及投入，而我地想趁機會傾計o既人亦傾得好開心～！！
不過呢ｄ機會係咪將會買少先少，我諗就好睇大家今年o既進一步表現先知喇～！！