早前o係新年時間已經諗住約埋，不過直到今日大家先可以齊人～！！
而今轉就係我、大妹同埋Angela一齊食飯，名義咪就係當賀新年嚕～！！

雖然我地已經一段時間冇聚，不過今次o既聚會同以往情況都一樣～！！
三個人齊齊行街就梗係有人講野有人睇野，所以我地都已經習慣左喇～！！

早前我已經同Angela講左要講o既野，不過結果就梗係未能如願啦～！！
我地之間雖則好似係有ｄ唔同左，不過我對住佢地就梗係表現自如啦～！！
我冇因為之前件事覺得尷尬，不過我今日的確係比平日少左野講嚕～！！

今次就約左出去旺角食野，而我地o係食完野之後就行左一排街啦～！！
而我地呢次圍埋主打講o既野都係生活事，所以大家都叫做仲有野傾下～？！

至於行街o既時候當然以係女仔睇野為主，事因Angela話想買返對新鞋～！！
無奈我地行左一排之後就仍未有收穫，至於我最終都換左個手機殼喇～！！

唔知係咪因為上年尾段買得太多野，所以今日行街都未有太大購買慾～？！
不過我每年都會計劃下有咩要換或買，但係今年重點反而擺o係旅行計劃到～？！
事因我今年已有兩個旅行計劃，所以我都應該要好好計下今年條數呀～！！
再者下半年時間開支往往都係比較多，睇o黎我今年都要繼續慳住用至得喇～！！