2013-02-17 11:57:39Ethan~

16/2/2013

今晚約埋世俊一齊上左屈姐屋企,事因我地都有一段時間冇見啦~!!
所以趁住新年假期時間當然就見下,同時我又可以上去逗埋利是嘛~!!

其實今轉會面冇咩特別,事因我地主力都係講下大家o既近況啦~!!
始終都有一段時間冇聚過,而且早前o既各個活動佢又無份出席喎~!!

是次會面首個話題就係講下生活事,當然大家o既工作近況都會講下啦~!!
佢打算三月之後o既佢就會辭工放一個月大假,及後先再開始搵新工啦~!!
所以佢同Phoebe呢期都幾輕鬆,不過Phoebe近期都已經搵緊新工喇~!!

另一方面...
今轉上去除左同屈姐吹水外,當然都有叫埋大妹同我地齊齊傾下計啦~!!
而我地圍埋除左講下生活事之外,感情生活同樣會係一個重點話題啦~!!
雖然我同屈姐仲未有著落,不過我地都有關心下大妹同埋世俊o既事嚕~!!

至於今晚另一重點話題,就係近年一個大家都幾常傾o既處事態度問題啦~!!
早前我同Phoebe及多位掛牌都有同阿仔傾過,而近日亦都開始同世俊傾~!!

其實佢地兩個性格同處事方式都好唔同,所以我地都要睇返個性而去教~!!
不過佢地兩位都明顯係好受教,而我就覺得令佢地緊張o既原因係現實~!!
雖然我地咁多年o黎都有一步一步咁講,但宜家o既佢地就真係要開始面對~!!

大家都認同出左o黎社會做野o既人,同宜家仲係讀緊書o既人諗野好唔同~?!
而就住呢個問題o既各個層面方面,我都已經一一咁同阿仔去研討過啦~!!
我都好希望佢地兩位除左要同我地傾外,自己同時都要從生活中吸收呀~!!