雖然話今日係初三 不宜拜年，不過我同阿仔就揀左今日先團年喎～！！
由於初一及初二我地都有各自野要忙，所以就一如以往咁揀今日做節啦～！！

至於今日行程安排方面由阿仔負責，當然時間上o既預算係計得鬆動啦～！！
上段時間就先同阿仔去左三聖飲茶，而呢段時間就梗係先爆下近日ｄ是非～！！
再者近期始終都係新年，所以好多新年活動都應該會陸續咁出現下啦～！！

另一方面．．．
今轉除左玩爆下是非之外，重點就梗係要講下o黎緊星期五o既開年飯啦～！！
事因我地今年揀左去尖沙咀o既酒店食自助餐，所以咪要及早做好計劃同安排囉～！！

而今日另一主打話題，當然就係近期已經成為熱話o既拍拖及相處問題呀～！！
事因好我地身邊多人拍左拖之後，往往都會同以往o既佢地唔同左好多～？！

首要就梗係同朋友關係疏左，因為往往熱戀中o既人都係好重視自己另一半～！！
但係千其唔好忘記身邊o既朋友其實同樣重要，事關朋友往往係最撐自己o架～？！

而講到拍拖上o既相處問題方面，我地今次都就住好多唔同情況去研討過～？！
就住今次去睇唔同個案o既情況而得出o既答案，我諗我更加明白個仔諗咩呀～？！

至於下半場時段o既安排方面，其實就同上年o既情況一樣係去睇賀年片啦～！！
新年時間睇返場笑片笑返餐，呢種輕鬆又自在o既感覺又的確係唔錯o既安排～！！

而本年度及上年度傾好左o既計劃方面，稍後時間就將會陸續上馬及實行啦～！！
所以未來呢一年時間阿仔而言，相信都會係一個幾艱辛o既挑戰同全新改變呀～！！