今日係一年一度o既除夕夜，過埋今晚之後就正式送走2012而開始新一年啦～！！
繼往開來今晚都係同阿仔及秘書一齊過，事因今日係秘書o既正日生日嘛～！！

不過今年就多左兩個掛牌一同出席，而佢地當然就係我地o既阿姨同埋姨丈啦～！！
事因早前佢地聽到我地話會除夕睇熱花倒數，所以佢地就話想加入一齊嘛～！！

而今年地點同上年都係一樣，我地特意揀返方便睇煙花o既地點食個晚飯～！！
由於〝圓方〞出面就係海傍附近，所以今年就揀左間唔錯o既餐廳幫秘書慶生～！！
今次所有野o既安排都係由阿仔一手包辦，因為我今日仍然係仲要返工丫嘛～？！

大約8:00左右就齊晒人，不過由於餐廳方面仲要等位而搞到我地要hea多陣～！！
所以我地就去左戲院附近到食左ｄ兼吹左陣水，話晒呢ｄ機會都係比較少啦～！！

送左2012年之後就係一個新開始，所以今晚大家都不忘回顧下今年o既往事啦～！！
大家都期望2013係一個新開始，不過大家o既願望反而都係以健康及快樂為主～！！

另一方面．．．
今日係阿姨佢地去完旅行後首日，所以佢地都特意為我地帶黎一ｄ手信啦～！！
至於o係晚飯之後o既時間，我地五個就搵左個地方一齊影下相做個留念啦～！！

畢竟今年係我同阿姨首次送舊迎新，所以今年都算係幾唔同o既一年啦～！！
而且今年又係佢地新婚後o既首個除夕，咁樣意義上就好似變得更唔同囉～！！

至於我地今日除左計劃倒數迎新年外，完左活動後原本係打算去唱通宵Ｋ啦～？！
不過我地收到肥豆o既消息指周圍都爆晒，所以活動最終就要臨時取消喇～！！
雖然原定計劃係有少少受影響，不過今年可以一齊倒數都係一件開心事呀～！！