又一個好耐冇聚過頭o既組合，不過今晚o既飯局當然係有另外一個目的啦～！！
事因Phoebe將於年底結婚，所以呢排就要忙住為婚禮o既事而作最後準備啦～！！

至於今晚o既飯局就有我、子瑜同埋主角兩公婆，呢個組合都真係好開心呀～！！
我同Jacky平日會面都已經鍾意鬥下咀，點知今次仲要加埋又係好玩o既子瑜添～！！

約左大約8:00pm左右出去市中心會面，而事前我就同子瑜o係呢到行左陣街啦～！！
事因我地都比兩位主角早左到，所以我地咪諗住行返陣兼傾下計先去拎位嚕～！！

點知大家都非常準時去到餐廳，所以今晚個飯局亦都可以如期去開始啦～！！
一見面就先o黎講下一大堆八卦野，事關近期掛牌成員都有非常多事發生過嘛～！！
特別係早前Tracy單野就更加係新聞，所以我地都有趁今晚同子瑜講下囉～！！

至於另一位原定話想約食飯o既人，就竟然再度甩底而令我地可以採取放棄態度～！！
其實當事人心態上係點諗，我、Phoebe及Jacky都已經傾過一次兼有共同感覺囉～！！
可能就係因為上次件事，所以搞到佢宜家個心都仍然存在住一種唔太好o既感覺～！！

雖然芷君早段就話想約埋其他人一齊食飯，但係我就梗係知佢究竟有咩諗法啦～？！
話晒要佢一個對住我地三個高轉數o既人，對佢而言的確都係幾吃力同冇咩癮～！？
同時今晚聽返Jacky講佢原定個計劃，就係打算缺席由芷君約o既o個個飯局嚕～！！

其實日前Phoebe俾左段Whatsapp我睇之後，我都已經知道個局勢到底係點啦～！！
事關Jacky同芷君根本就係兩種唔同程度o既人，所以要玩得埋又真係唔可能o既～！！

至於傾到o既話題除左有涉及掛牌人之外，當然就梗係會有講下生活同工作啦～！！
事關呢排個個工作都唔係太如意，所以呢期各位對生活o既怨氣都確係甚多呀～！！

而o係今晚個飯局完左之後，我地三個又決定上去友愛個私竇繼續吹下水啦～！！
原本Phoebe係諗住完左飯局後就食埋糖水，不過子瑜就因為太累而要提早離場～！！

而最後部份講到近日o既我地之時，呢一次都真係可謂係最認真o既一次喇～！！
呢種認真並唔係因為我地對大家不滿，而係我地對眼前o既生活感到困惑同苦惱～！？
到底宜家我地o既生活模式係咪自己想要，如果答案係否o既話又可以點做至好呢～？？

另一方面．．．
距離佢地婚禮大日子再近一步，所以兩位主角都會陸續約期同大家食飯兼派帖～！！
而我同子瑜今晚就已經率先收到，至於其他人就將會安排於下月一次過派發喇～！！