一連串幾次o既卡通人物展，去埋今轉之後就正式暫告一段落喇～！！
事因早前就已經睇左叮噹同鬆弛熊，而今次就係去青衣城睇麥兜喇～！！

早前兩轉都係同Phoebe兩公婆出去，至於今次就換左係阿仔同大妹～！！
我地約左3:30pm左右就會合左先，之後就一齊搭巴士出去目的地到睇展覽～！！

今次除左阿仔冇裝身之外，我同大妹都特意著得好睇ｄ去影下相兼行下街～！！
至於佢地兩個咁耐冇見，今次難得見面就梗係會一齊吹下水兼講下近期ｄ野～！！
由於近日掛牌大地震一事都幾煩，而佢地兩個O既角度同諗法方面就好一致～！！

事因佢地都覺得近年度掛牌成員開始大變，而呢個變正正就係變得複雜左～？！
所以佢地對近年度出現及再度現身o既掛牌，就變得有另一種睇法及觀感嚕～！！
雖然我本人就好明白同埋理解佢地o既諗法，但我始終都有就此事同佢地傾下～！！

另一方面．．．
今轉見面期間就由大妹做主導，事因阿仔近日都比較多新聞出現丫嘛～！！
而我地三個亦都有就住感情同埋選擇另一半o既問題，叫做去分析同埋傾過下～？！
其實好多掛牌成員已經係好例子，因為佢地可以從佢地身上睇到兼學到野嘛～？！

上半段睇完左個展覽之後，我地就由青衣轉戰過去銅鑼灣到行街兼食晚飯～！！
至於o係呢段時間裡面，我地都有就年底Phoebe結婚及阿仔生日兩件事傾過～！！

事因阿仔生日就將至，所以我地都要盡快夾好個期去作出適當安排喇～！！
雖然本年度生日係唔會打算有咩太搞，但係我地都要傾好個期同埋諗下計劃～！！
同時就住下半年兩件盛事，我都已經同阿仔傾緊同佢買衫執新look一事嚕～！！

至於今年人事變動方面的確係較多，事因家族近年都經常玩洗牌嘛．．．
隨住大家陸續踏入另一個人生新階段，我地都應該理解點解大家會變嚕～？！
畢竟每個人o既需求同價值觀都有唔同，能否繼續前行就真係一個新考驗喇～！！
好多人會因為自己o既利益而去放棄身邊人，咁到底呢種算唔算係真正朋友呢～？！

雖然身邊好多人都話識於微時o既朋友係最真，但係人會隨住時間過去而改變～？！
好多掛牌成員早前都為呢個問題而去研討過，至於最終答案咪就係有呢一個心～！！

或者日久真係可以見人心啦，真係可以繼續同自己行到最後階段o既人真係唔多～？！
但身邊有呢班真正會陪住自己過每一年o既朋友，好可能就係自己一直要o既人～？！
朋友會隨住年紀漸長而開始減少，所以我地都應該珍惜自己知心o既好朋友呀～！！