今個月除左好忙於公事之外，呢個月亦都係我離港時間最多o既一個月～！！
月初時間已經離開左近九日時間去旅行，近月尾又走左三日返大陸拜山呢～！！

最終我同阿仔要搞到月尾先夾到時間見面，所以我地咪揀左今晚見囉～！！
其實呢個月發生o既事唔算太多，不過今個月生日o既人就有唔少啦～！！
不過本年度由年頭至今，我地班掛牌成員都未正式搞過任何一次聚會呀～！！

以往可能大家都會以生日為題去搞活動，不過今年ｄ人就真係好冷淡囉～！！
而我就只係叫做同阿妹食過飯當慶祝，至於一班高層掛牌就俾我選擇忽視～！！
其實佢地搞到我今年開始有咁o既心態，都已經唔係一朝一夕o既事喇～！！

至於今晚同阿仔會面，當中我地亦都由就有關問題而去傾過下啦．．．
除左係因為環境因素之外，另一樣最重要o既根本就係人本身o既心態問題嚕～！？
每年努力想去搞ｄ活動令大家開開心心咁聚下，但最終又演變成個咩現象呢～？！

同阿仔除左講到有關班掛牌o既活動問題外，當然我地都有談到關係問題啦～！！
睇返近年大家所起o既變化同問題，重點都係因為大家已經趨向於利益化嚕～！！
所以我地都開始覺得呢到o既人，已經開始變質同埋以往o既聚會已經變為應酬～？！

至於咁耐冇見過阿仔，當然今轉佢就有主動同我講下佢近期o既一ｄ經歷啦～！！
為左屋企人同埋佢將來o既工作，佢已經開始感到有種壓力同埋唔習慣呀～！！
我可以理解佢o既背景同心態，但同時我又知道呢個係不可改變o既事實喎～？！

明年就要大學畢業o既佢，忽然間就好似變得對自己前路變得冇晒方向咁．．．
有ｄ野我明知佢唔係好想去接受，但係佢家庭背景o既關係而令佢感到矛盾嚕～？！
冇一條路係我地絕對肯定係順利，但我希望佢要對眼前o既一切有信心嚕～！！

至於我自己就當然都有同佢講下近日ｄ事，不過我都係好散咁同佢傾下咋～！！
事因近排班掛牌o既問題已經有唔少隱憂，而且我自己公事上又非常之忙碌啦～！！
所以我都冇咩特別時間去理太多野，不過呢幾個多月時間就令我有唔少體會～！！
當中令我反省唔少問題且睇到好多野，或者對我o黎講都算係一件好事嚕～！！