繼上一次同會計部班同事出外玩過之後，今日就係第二次同佢地出去～！！
原因係因為Okan佢地今日要去打比賽，所以我都跟埋大隊一齊去支持下～！！

大約12:00pm左右去到荔景會合阿珊，之後同佢地去左體育館睇比賽啦～！！
及後Mandy同阿Kit佢地亦都相繼到場，我地之後先開始叫做再有野傾下笑下～！！

佢地呢場比賽雖然未能晉級，但睇到佢地咁訓身比賽就仍然係覺得要支持～！！
直到佢地打完比賽之後，我地就一班人落左去葵芳到食lunch兼埋吹下水啦～！！

連同佢地成班同事一齊傾計，當然聽到佢地平日都係會鬧出唔少笑話啦．．．
雖然今轉去玩當o既呢班人係換左部份成員，不過我同佢地好快亦都熟左啦～！！

至於上次有一齊玩過o既原班人馬，當然就唔使講更加唔會係覺得陌生啦～！！
完左下午場lunch之後，我地就要轉戰至尖沙咀去會合部份成員兼要食野～！！

因為今晚去唱Ｋ之安排係唔包晚飯，所以我地今次都要提早少少食左野先～！！
連埋呢轉又再有Wilson加入之後，最終就去到唱Ｋ現場就見埋最後兩位朋友喇～！！

今晚呢場唱Ｋ主力唔係唱Ｋ，事因佢地班人差唔多全部都掛住玩骰盅呀～！！
不過當中大家又玩又笑o既氣氛就真係好開心，最終玩到11:00pm左右就要散啦～！！

至於我地今次去唱Ｋ之行最驚訝o既，竟然係我地埋單o既時候發生o既事囉～！！
事關我地今日食左幾餐飯當中，竟然都冇任何一轉夠唱Ｋ呢個活動為平呀～！！
同時呢次唱Ｋ活動o既消費方面，亦都真係我唱Ｋ史上最平最平o既一次囉～！！