仲未落實好今個月o既Monthly Gathering之前，我同『愛人』就接住咁見面．．．
放工之後連續收到唔少人o既電話要搵我傾野，而其中一個竟然就係佢嚕～！？

原來佢係想通知我關於佢今晚會o係屯門過夜o既事，而且又叫我陪佢食飯啦～！！
事關尋晚已經同佢有過會面，我就梗係估唔到佢今晚竟然又會再搵我啦～！！

至於今晚會面o既情況同尋日大致一樣，因為今日公司又發生左唔少趣事嘛．．．
而且今日亦同時係阿俊o既Last-Day，所以今日的確係比較多事情發生o既～！！

首要主力都係同佢講下公司o既事，話晒自我面試後都有唔少趣事出現嘛．．．
繼早前出現一連串o既人事變動之後，呢排o既局面又竟然出現全新玩法喎～！！
不過最最最可惜o既，就梗係佢地三子已經離場唔可以參與到呢場戲啦～！！

而除左有講到公事上o既野之外，每次o既重點就梗係唔少得講下私事啦．．．
事因宜家已經唔係每日都見到佢，所以我就梗係要落力追數同埋暗示ｄ野啦～！！

而我除左要努力追數同俾ｄ暗示佢之外，呢期就加多樣同佢扭禮物o既野呀～！！
繼上年聖誕同新年禮物都失敗之後，我就梗係趁住情人節都扭下要禮物啦～！！

其實我要扭禮物o既目的，就係我想佢理解同知道做我『愛人』個定位～？！
禮物根本就唔係我最終想要o既野，因為我自己根本有足夠能力去滿足我自己～！！
而我呢排加入呢個新動作，我背後個重點就係想佢知道咩叫做心意同重視囉～！！

而佢就藉住Monthly Gathering及生日禮物，向我暗示我都只係佢o既唯一啦～！！
事因佢知道阿仔會同我有每月Meeting等習慣，所以佢就強調佢都有同我做緊啦～！！
至於o係生日禮物方面，佢就話我都係佢身邊一眾朋友當中唯一會有o既人唷～！！

同佢傾到咁上下時間之後，我最終都同Marcus叫做有過一次o既會面啦．．．
事因自『愛人』搬返去粉嶺住之後，我都已經有一段時間冇同佢見過面喇～！！
所以今轉除左同佢傾下計之外，當然唔少得o既就係正式同佢約期食餐飯啦～！！

至於o係我一連兩日落力追數方面，『愛人』就始終想用拖得就拖o既方法．．．
事因佢今晚就話佢有份出謀獻策幫我考試，所以佢係應該有得豁免還債喎～？！

畢竟一件事還一件事，雖然我最終都應承佢俾多一個月時間佢去還債．．．
但咁唔代表佢可以唔使清條舊數，至於最終係咪用唱Ｋ去抵債就仲要再傾喇～！？