為左考今日呢次o既升職試，我已經準備左同埋驚左成兩個星期時間喇～！！
而今日去考核面試o既過程雖然係怯，不過最後都順利過左關兼得到好評喇～！！

為左應付今次考核，我早前就搵左『愛人』同Patrick幫我貼題同埋練習．．．
經過自己一番苦練之後，我最終o係今日o既表現都令自己覺得好滿意呀～！！
而且及後聽返兩位上司o既回應，佢地都一致認同自己有超水準表現添喎～！！

至於o係我去面完試之後，我隨即就通知我身邊一班好同事及朋友啦．．．
因為大家之前知道我今日要去面試，佢地都俾左唔少支持、鼓勵同埋意見我～！！
而且o係我見完返o黎之後，佢地竟然好快就同我講恭喜兼叫我準備請食飯～！！

除左身邊呢班好朋友及同事之外，有兩個重要人士當然係我會首先通知．．．
而『愛人』得悉我得左o既消息之後，佢就即刻話要我約今晚食飯慶祝下啦～！！
不過佢今轉約我食飯咪又係要我就晒佢，最終地點咪又係揀返去上水嚕～！！

雖然呢餐唔係正式慶祝，不過我地圍埋見面當然就係講下今日呢件事先啦．．．
及後當然就係同佢講下呢排公司上面o既事，等佢都知道宜家o既最新情況嘛～！！
因為自佢早前離開左之後，及後o既時間就陸續出現好多人事上o既變動唷～！！

另一方面．．．
今日除左同佢講左唔少公事上o既野外，重點當然就係要講返ｄ私事先啦～！！
第一個重點當然就係要追返堆舊債，不過睇佢個勢就梗係想拖得就拖住先啦～？！
有見及此．．．我就提出另一個方案俾佢，希望佢可以用呢個方向去抵債～！！

雖然我預左唱Ｋ呢個方案佢未必會接納，不過我要達到目的就乜都要試啦～？！
而今次佢亦出奇地話如果去唱一次Ｋ係可以抵清條數，佢就肯同我去一次喎～？！
而且佢仲話如果方案最終係成事，佢會揀返兩首合唱歌去同我唱下添嚕～！！

至於話過要一齊同Marcus食飯o既事，我今次亦都有同『愛人』傾過啦．．．
事因我及後有好多飯局要出席，所以我都要及早兌現返自己對人o既承諾嚕～！！

同佢見得面當然少不免會鬥氣，今轉佢就話趁我心情好就駁多幾轉喎．．．
而佢仲成日拎我順利升職一事玩我，而我就梗係用返平日鬧爆佢o既方法回佢～！？

另一方面．．．
今轉除左要努力追數之外，我地亦都有講開新人同舊人o既表現問題啦～！！
新人已經全數出現報到，不過我始終都覺得佢地不及我地六人組o既年代好啦～！！
三子先後o既離開的確令我無奈，而且新人o既表現亦根本不及佢地咁好啦～！！

而我亦趁機用呢件事同佢暗示一樣野，就係有好o既表現唔單只係一年咁短．．．
雖然上年o既佢的確係有極好表現，但咁樣並唔代表佢今年會繼續榜上有名嚕～！！
而從佢回我o既答案之中，我明顯係感覺到佢係知道我究竟想同佢講ｄ咩囉～？！