今日係過年之前最後一次見阿仔，而且今日又要同佢去買新衫準備迎新年～！！
大約1:30pm就去到城大接佢走，及後我地就轉戰出旺角食野同埋行街買野喇～！！

已經一段短時間冇見面o既我地，所以今日有好多話題都想同對方去傾下呀．．．
事因我近期又有事要煩同處理，而佢亦都有唔少問題同心事想搵人傾下囉～！！

而我首要o既問題主要都係同『愛人』有關，至於佢當然就係同家庭有關啦～！！
其實我同佢各自o既問題都已經拖左一排，不過我地要去到今日先有期同對方講～！！

我同佢講過晒我近期o既苦惱同問題，到底我應該點樣去衡量『愛人』o既定位～？！
而以阿仔咁多年o黎對我o既了解，當然佢就好明白同理解我o既心情同想法嚕～！！

雖然『愛人』上年有好好o既成績同表現，不過呢期就真係回落左唔少啦．．．
所以佢所有o既問題都需要都有加入考慮因素，以便我衡量係咪要真正調整呀～？！

面對每次新出現o既感情，最令我覺得擔憂o既就係呢段情好快就會玩完呀．．．
而且我同佢之間o既距離同興趣等問題上，的的確確都係存在住唔少分別嚕～！！

由我知道我地唔可以再好似之前咁，我已經開始同自己講要理性去面對喇．．．
因為我真係好唔想自己再好似以前咁，再一次重演返堆No離場時o既場面呀～！！

阿仔佢都講得好o岩，我對『愛人』o既期望的確係比好多人都為高囉．．．
由開初同佢跟足所有野到宜家，我忽然間就好似想自己一步步咁理性咁抽身呀～！！
同時亦因為我知道呢次如果又再重創，我諗我唔會再對感情存在信任同希望～！！

憑藉佢出現開始到宜家，佢能夠成為近年度我身邊一個特殊身份o既人．．．
佢o既能力同埋頑強性都令阿仔好佩服，因為近五年o黎根本就冇人可以做到嘛～？！

至於阿仔o既問題方面，我當然就梗係企o係佢立場上同佢分析過晒啦．．．
我始終都希望佢學識為自己諗左先，因為日後o既路係點行就只有佢自己去承擔～！！

除左佢係一個絕對了解我o既人之外，當然我都係一個絕對明白佢o既人啦．．．
我清楚知道佢o既性格同埋心情，所以今次唯有要狠心咁教佢做一次衰人囉～！！
畢竟將來o既生活同前途都係佢自己o既，所以佢自私ｄ為自己諗下都係要嚕～！！

另一方面．．．
今日除左互相傾下心事之外，當然重點方面就係幫阿仔裝身準備過新年啦～！！
買好晒一堆全新o既衫褲同鞋之後，我地就計劃一下今年度拜年o既事啦～！！
而且今次阿仔o既轉型係有個幾新o既突破，感覺果然真係令我眼前一亮嚕～！！

夾好時間去準備及後o既事之後，我地就要各自散去自己下一場活動喇．．．
而我今晚就約左會計部成班同事，因為佢地搞左個Ｋ團一齊去唱Ｋ迎新年喎～！！

而今次當中有唔少o既同事，其實我都係完全冇見過或者係完全唔識o架囉．．．
好彩我同佢地一拍就即合啦，而且我仲估唔到佢地竟然叫我做〝歌神〞囉～！！
至於呢次o既經歷同埋感覺，其實就好似我對上首次見『愛人』ｄ朋友一樣咁怯～？！
 
鳥籠

我困於溫室中　你那掌心之中
對我好令我的身體多麼重
展翅也不懂

以我絲絲青春　對抗呼呼北風
我渺小但至少做人能夠痛
脈搏仍能震動

成長需要過程　危機估計之中
如果真的比較蠢　即管跌碰
容許衝破鳥籠　遊走險惡天空
如果真的想我好　隨心的放縱

我枉花光陰　我也想追風箏
我跌倒在糞土中交織腳印
都有滿足感

對你感激的心　永遠這麼衷心
但我想在社會被洪流教訓
犯錯仍然慶幸

成長需要過程　危機估計之中
如果真的比較蠢　即管跌碰
容許衝破鳥籠　遊走險惡天空
如果真的想我好　隨心的放縱

少年　長滿這羽毛
我要走我旅途　趁時間早

縱使管教到最好　成長不會輕鬆
人海規則不太懂　一天會懂
容許衝破鳥籠　 容許我發夢
成長方式幾百種　還懇請你信