今晚同過往幾年都係一樣，我地都係有約埋一齊去出去倒數．．．
同時今日係Raymond生日，所以我同阿仔就特意約埋佢一齊去慶祝啦～！！

我地三個簡單又方便，早前時間好容易就已經有共識約埋今日一齊玩～！！
雖然我地都已經唔係第一年一齊過，不過今次就係我地三個第一次咁慶祝～！！

我地三個都係第一次去圓方食飯，又係第一次去間唔錯o既餐廳到食啦～！！
為左呢次o既慶生兼倒數活動，當然我早就已經做定準備功夫去做安排啦～！！

已經唔係第一年一齊過呢一晚，同時我地都覺得好似呢樣野已經變成習慣～！！
習慣左每年呢個時間都會約埋，習慣左大家都總會搵ｄ活動一齊去迎新一年～！！

至於今晚o既飯局安排方面，我地三個就先係各自做完自己野先出去啦～！！
約好大約7:30pm左右去到目的地等，而我就先同阿仔o係附近行左陣先嚕～！！

事因阿仔話想買下新衫褲去換形象，所以我咪同佢四圍行下兼睇下有咩買嚕～？！
最終佢就買入左一件新外套，至於其他衫褲上o既配合就會留待下星期再搞～！！
呢年o既佢雖然都換左兩次形象，但今次轉款o既要求反而就係佢主動提出～？！

到陪阿仔買完野之後，我地三個就起行去今晚o既餐廳到食是次晚飯啦．．．
而今次去o既呢間餐廳當然就係由我去揀，而且佢地兩個都非常滿意啦～！！
畢竟選擇場地同主打氣氛呢ｄ野，始終都係我比較上強o既範疇啦～！！

而是次圍埋主要傾到o既話題方面，當然就係近期掛牌們o既感情事啦～！！
至於我同某女仔o既感情線方面o既事，同樣成為佢地甚為關心o既事囉～！！

唔經唔覺o黎到一年最後一日，倒數之前大家當然都有個回顧啦．．．
睇返晒本年度發生o既一切，原來我地今年都留低左唔少好o既回憶同時光嚕～！！

同時．．．今年年尾一連兩個大節日，阿仔都係o係我身邊陪我一齊過啦～！！
所以呢個特別o既經歷，同時亦成為咁多年o黎第一個創下o既新紀錄唷～！！