一年一度o既平安夜亦到左，而今晚當然就係要過返個難忘o既晚上啦．．．
為左呼應返九月阿仔生日未完成o既事，我就趁呢個機會於年底前將其完成～！！

為年底留低一個難忘o既回憶，所以今晚我地就上左去山頂到過左我地第一次．．．
第一次兩仔爺夜晚上山頂睇夜景，同時亦係第一次o係到食聖誕大餐去迎聖誕～！！

以往每年都會玩特別o既我地，趕得切o係今晚完埋最後一轉o既活動啦．．．
好快就要為今年劃上句號，所以我地對今晚o既安排都甚有感受同埋回憶呀～！！

我地大約6:00pm左右會合埋出港島，及後就先去Ｍ記食左ｄ野打底啦．．．
而趁呢轉車程同埋時間，我地就率先講下聽日聖誕日活動o既安排同埋計劃～！！
同時亦都同佢回顧返呢個星期o既經歷，當中我地都會有唔少感受啦～！！

畢竟由上次圍埋賀Phoebe之後，我地中間數日都有唔少經歷留底左啦．．．
至於o係上次o既活動當中，我地除左有開心回憶之外就係有唔少寄望啦～！！

簡單咁講左呢個星期o既事之外，我地就轉戰另一個每年都傾o既話題啦．．．
每逢到左年尾時間o既我地，都會為自己過往o既呢一年做一個總結同回憶～！！

回憶返呢年時間o既我地，最大o既感受就係各自都過左相當忙碌o既一年．．．
今年玩特別形式o既活動真係唔多，甚至連我地大家o既Gathering都係非常少～！！
不過我地每月o既Meeting就仍然存在，而呢個傳統亦都係從未有過間斷啦～！！

睇返呢一年當中o既點滴之外，我地同時亦都有睇返近五年所發生o既事．．．
其實自2005年之後，我地一直都有繼續呢個一齊過聖誕式除夕o既習慣啦～！？
而唯一唔同o既就係身邊人o既改變，所以我地亦都有就此事而去反思過ｄ野～！！

今晚除左有影相同埋傾下計之外，同時亦都有談及到ｄ人生o既話題啦．．．
每每去到年尾o既時間，我地都會諗下明年度o既我地係咪仲有呢個機會呢～？！
呢一次又一次o既機會，好可能就係因為人o既改變而變得可一而不可再嚕～！！

珍惜自己眼前已經有o既生活；珍惜宜家陪住o係自己身邊o既每一個人．．．
將來呢一切一切都會因時間o既過去，而變成自己不可重播o既唯一的回憶喇～！！

就住人生同埋生活兩方面去傾過唔少野，當中我地亦都有傾到掛牌生涯啦．．．
不經不覺由新人捱到至今，佢o係呢到已經有七年o既經歷同埋唔少訓練啦～！！

而自入左大學之後o既佢，其實佢o既心智比起從前真係變成更成熟．．．
當然各方面o既表現亦都冇令大家失望，所以佢o係掛牌路上o既命途都好順利～！！

一步一步咁俾唔少訓練佢，希望佢可以從中學到唔少生活上o既技巧同磨練～！！
同時今年新出現o既『愛人』，其實亦都俾佢有一個好大o既學習同進步機會～！！
事因我地都發現每當自己遇到勁敵o既時間，其實就係自己最盡力o既時間～！！

好快就會正式踏入2012年，同時亦都係佢大學生活o既最後一年啦．．．
所以明年度o既計劃同埋各項事宜，都會係最趕急同埋最難捱o既一年喇～！！
事因呢到會俾佢o既挑戰將會越o黎越難，同時佢都係時候要面對另一種生活嚕～！！