一連三日假期o既最後一日，但係今日偏偏就係最唔得閒o既一日囉～！！
雖然話已經過左兩日假期，心情方面其實應該係要盡早回復正常水平啦～！？

但係我就係因為仲未能夠令自己平伏到，所以先將堆野排晒o係今日去做嚕～！！
訓左兩日之後o既我仍然好眼訓，但係今日起身之後就要開始一日o既行程喇～！！

首站就先出左去葵芳到拎車，之後我就過左去九龍塘到同個仔見面啦．．．
由於我日前情緒方面非常失控，所以我地就特意加多今日見面去傾下計嚕～！！

到左佢學校之後就等左佢一陣，同時o係呢個時間就要約好下段o既人喇．．．
而o係同個仔會合左之後，我地就過左去又一城到食返個lunch兼正式傾下計啦～！！

首先當然就係同佢講下我o個日o既事，講下點解我點解會突然間失控啦．．．
事因當然就係近日公事方面o既人同埋事，再者我又仲有問題仍然未諗得通呢～？！

隨住『愛人』o既正式離開，所有關於公事上o既問題就陸續浮晒上面喇．．．
佢o既離開無疑令到公司上面o既野變得複雜，同時我對佢o既感覺亦開始有異～？！
就住呢兩方面o既問題所在，我就同阿仔認真咁傾左一次兼聽下佢o既睇法啦～？！

我地大家都理解感情一旦要變，就邊個都阻止唔到呢個事實發生啦．．．
而我地唯一可以做到o既事，就係確確實實問一下自己究竟有冇真正咁珍惜對方～！？
如果自己真係有為呢段感情努力過，即使係要完結都或者係命運o既安排啦～？？

其實為左『愛人』o既問題，我亦都已經聽過唔少身邊人o既意見同睇法．．．
而最終發現o既問題所在，就係佢同我o既性格及價值觀都有一定性o既差異囉～！！
雖然中間係有努力過去維繫同埋搵共識，但係呢個問題就始終係未搵到答案咁～！！
或者呢一刻o既我真係咩都做唔到，至於日後o既轉變同考驗就係真正o既答案嚕～？！

而關於公事方面及私事方面o既問題，我今次亦都有同佢提過我o既憂慮啦．．．
眼見身邊呢班幾好拍o既同事將會一一離開，我自己真係有一種好黯然o既感覺～？！
忽然間．．．令我諗返唔少關係生活同前途上o既問題，所以我都幾苦惱呀～！！

而o係同阿仔完呢堆正經野之後，我地就開始轉變話題去講下o黎緊o既活動喇～！！
事因由下星期開始就會有飯局及活動，所以我地都係時候傾下相關o既計劃啦～！！

正到見完阿仔之後，我就搭車返入去粉嶺同Tina食晚飯兼繼續傾下計啦．．．
其實呢個安排主要係要配合『愛人』，事因佢今晚係會返過o黎屯門呢邊訓呀～！！

換入同Tina所傾到o既話題，反而就係講下生活事同埋公事上面o既野較多喎．．．
雖然我地間中都會同對方傾ｄ正經事，但係我今次就並無同佢提到太多野呀～！！
畢竟有好多問題就算傾左，我都知道問題始終係冇辦法可以改變到個現實嘛～！！

有見及此．．．
我情願轉為同佢傾下ｄ平淡o既事，話晒咁樣都可以開開心心咁傾下野嘛～！！
而o係同佢去食飯之前，我地就因為地上執到寶而令到今晚餐飯變左免費餐嚕～！！
 
最後去到今晚壓軸出場o既人物，當然就係o係我晚飯後去會合o既『愛人』啦～！！
今日係首日同佢分開兩個地方做野，所以感覺上變得既熟悉但又好陌生咁囉～！！

兜兜轉轉．．．
佢始終都係返左去佢最初o既起步點PYH到返工，感覺當然就係唔錯啦～！！
話晒呢到o既人同埋環境對佢一ｄ都唔陌生，所以佢係應該唔會有咩壓力啦～！！

聽到佢講下今日首日開工o既情況，都知道佢比o係CPH返工開心得多囉．．．
佢話呢到o既人同環境就係因為太熟，所以令佢有一種好奇怪o既感覺喎～！！

唔知點解．．．今日o既我對住佢，偏偏個心就有種唔識形容o既怪囉～！！
我唔知道到底係因為我仲適應，定係我已經接受左呢個改變係一個事實喇～？！
忽然間個人就變得好似好平靜咁，但係內心個種唔適形容o既感覺始終存在～！！

同佢一齊由粉嶺搭車返o黎屯門，呢一次都真係我地之間o既第一次呀．．．
事因我地一向o係呢邊o既會面，好多時都係為左見面傾計或Gathering而約埋嘛～！！
而呢一堆過去o既畫面，今晚就竟然一次過全部浮晒出o黎而令我諗返起唔少野～！！

而呢一切曾經有過o既感覺同經歷，我都清楚知道已經係可一而不可再o架喇．．．
經歷左咁多事之後而去到今日o既我地，到底又係咪真係可以經歷第二個階段呢～？！

事因o係車程上面除左繼續有談到CPH外，當然就梗係會講下PYH方面o既事啦～！！
每每開始新既圈子同識到新人o既時候，就會有另一ｄ全新o既際遇同引誘嚕～！！

經過多咁多事之後，我自己好清楚知道我係絕對唔會再開任何新quota俾新人喇．．．
至於佢從前同我提到o既新歡問題，佢今日就話佢經過o係青山洗禮之後已經變左～？！
佢已經變得唔會好似從前咁熱情，又或者好刻意再去開拓新o既圈子喇喎～！？

雖然．．．無人可以肯定到佢今日所講o既一切，係咪一個新o既改變～！？
但係我亦問左自己一個問題，就係佢o係心態上o既改變到底又係咪一件好事呢～？？