尋日就係『愛人』最後一日o係青山返工，過埋今日之後一切就正式完結喇．．．
大家都好喜歡陪伴住我地一年有多o既佢，所以我地今日就約埋一齊食lunch啦～！！

我地大家都好唔捨得呢個好同事，無奈．．．天下無不散之筵席啦～！！
隨住佢o既離開之後就要將一切劃上句號，希望我地大家日後有機會齊人再聚啦～！！

另一方面．．．
佢下星期開始就會重新轉到PYH返工，但佢呢個月都仍然會留守屯門住下先～！！
所以呢個月應該會係我同佢接觸最多o既最後階段，明年就真正有個新開始喇～！！

隨住佢轉返PYH及稍後亦搬回粉嶺後，我希望從前o既共識唔會隨之而消失啦～？！
呢一年o黎佢帶俾我好多好多回憶，而且當中絕大部份都係好深刻同埋好開心添～！！

而日前問到佢．．．
我地之間o既經歷到底算唔算多之時，佢就回應我話：『肯定係唔算少』囉～！！
經過呢一年有多o既經歷同磨合，過埋今日之後o既我呢個拍擋就正式功成身退～！！
及後開始換o黎o既另一個階段，就應該會係以好朋友o既身份再次重聚喇～！！

至於上星期連番錯過兩次機會之後，估唔到今早又再度出現一個機會喎．．．
事因佢尋日係last-day關係，所以我都估計佢當晚應該係會返過到粉嶺屋企啦～？！

但今早o係佢訓醒之後，就竟然打電話俾我話約埋落去食早餐兼傾下計喎．．．
而呢一轉所傾到o既話題，主力都係佢o係青山尾段聽到同睇到o既一切一切啦～！！
同時亦得知佢尋晚原來同肥仔外出食飯，而且佢地亦有傾到工作上o既事啦～！？

佢地先後o既離開無疑令我好苦惱，但係佢地同時亦需面對新o既挑戰同困難．．．
至於我尋晚就有同阿仔通過電話，無奈呢晚o係情緒上o既我有點兒失控啦～？！
畢竟對於『愛人』o既離開，我真係有好多好多o既感受同埋好唔捨得佢呀～！！

而今早同佢一齊食完個早餐之後，我地就返左上去寶田到繼續傾下計啦．．．
我相信今日傾埋有關於公事上o既野之後，及後再聚時o既話題就會有別於現在～！！
至於是次o既地震所帶o黎及後o既問題，我同佢都叫做已經睇得一清二楚囉～！！

離開o既人當然可以抽身，無奈我仍然要繼續拍住新o既同事去做野啦～？！
而當我地講到好同事呢個話題之時，我就回應佢：『同事就只可以係同事』嚕～！！
經歷過佢同肥仔兩個之後，我真係唔會再考慮再將呢堆同事去分級別喇～！！

而今轉見面最後o既一個話題，當然就係同佢好好咁傾一傾佢o既身份啦～？！
好好醜醜都已經做左一年『愛人』，但日後呢個身份係咪仲可以繼續保留呢～？？
我當然係希望佢可以好似阿仔咁，一坐就可以坐到我地人生最後o既階段啦～！？
但佢就回應我話．．．佢呢個身份係咪仍可繼續，主要都係睇我個心點諗～？？

曲終人散．．．下星期開始o既日子，我地就要各自有各自o既生活喇～！！
唔再每日都可以同場o既我地，真係要認真去諗下第二階段o既感情處理喇～？！