尋晚放工後同Raymond出左去九龍灣睇千嬅開Show，所以今日就要放下假～！！
反正我又有補假o係手要盡早清埋佢，而『愛人』又要o係走之前清假啦～！！

而日前o係粉嶺完埋最後一次Gathering之後，今日我地又約埋一齊食野啦～！！
事因上次用左太多時間去翻舊帳，所以呢次就變為去傾下未來個新方向啦～！！

雖然第一階段o既Monthly Gathering已圓滿結束，但佢就話之後會有延續篇喎．．．
最後六日仲係面對面咁對住，所以呢六日對我地而言就係最後o既回憶啦～！！

睇返過去一年多o既一切，其實我地彼此之間都改變左同埋進步左唔少啦．．．
雖則日後已經唔會再好似宜家咁o既相對，所以呢個就係我地o既共同經歷嚕～！！

仲係日日對住o既時候，好多野都係好易就有第一手資料同埋可以即時處理～！！
所以宜家都只可以話係為將來打好基礎，及後o既考驗先係真正o既硬仗呀～！！
畢竟之後分開兩個地方之後，好多野就真係唔到我地去控制同埋處理喇～？！

至於我同佢都難得今日放假，所以我地上午都係各自做下自己野先啦．．．
事因我又想去剪左個頭髮先，再者今日返工日子揀1:00pm去食野又唔方便～？！
及後我地就約好個時間一齊去食野，而我地今日就一齊去左飲返個下午茶囉～！！

趁我地私下一齊放假食野，當然就梗係先講下公事上o既尾聲先啦．．．
話晒之後個局面同埋關係都有唔同，所以我地都有趁呢個時候交流下啦～！！

至於私事方面就當然係重點，話晒佢仲有好多野仲未還清同埋完成到啦．．．
所以今轉就係以相關話題為主力，再者我又要同佢提早交帶埋有咩要做好～？！

話晒都夾左已經成年有多，同時我地亦應該係好了解對方性格同心態啦．．．
而且加埋o係埋尾呢個月o既經歷裡面，更加令我地清楚同明白彼此間o既定位～！！

而o係飲完下午茶之後，我就陪佢去左撳錢兼買ｄ零食返上寶田屋企啦．．．
淨返o係屯門住o既日子已經唔多，所以及後o既發展都應該係會打回原形啦～？！
至於下個月o既Gathering方面，我暫時都計劃將個地點安排返過去o個邊喇～！！

而返到上樓之後o既話題，反而又轉變返為公私兩談o既局面啦．．．
公事方面只係餘下一個星期多ｄ時間，但係私下o既相處就或者係仲有排啦～？！
所以我地又係時候講下及後o既打算，同時又用鬥咀o既方法去提返ｄ舊事啦～！！

另一方面．．．
今轉對話中亦都提到理財方面o既問題，所以咁o岩又講到買野及娛樂o既事啦～！！
有關佢宜家生活及理財方面o既野問題都不大，只係部份o既問題就仲有待改善啦～？！

當我地講到買衫褲方面o既問題，佢先醒起今日放假係要去買多條褲以作替換～？！
但當講到呢個話題之際，我地就同時講到態度問題係令對方有相對性反應嚕～？！
事因我早段同佢講過有關事宜，但我最終換o黎o既結果就係俾佢彈左句野．．．
既然佢覺得我係問埋ｄ多餘問題，咁我之後咪隻字不提有關佢生活上o既事嚕～！！　

鬥氣式o既相處已經有一年，及後又係咪會改用新o既方法繼續落去呢．．．
我就覺得日後o既方式肯定比宜家平淡，畢竟我倆間o既衝擊會減少左丫嘛～！！

講到呢到o既時候，我地知道大家又係時候要重新適應日後o既新對手喇．．．
好多說話或者點講都講唔完，但我相信彼此間o既心意或者就係呢份情誼啦～！！