呢個期最初其實係想定o係月尾，不過因為阿仔要考試所以就要改一改啦．．．
但一改之下就早到變到今晚，所以月尾時間肯定又要打電話再傾多一次啦～！！

其實今個月o既meeting方面，主要已經變為傾一個較為謹慎o既問題喇～！！
事因我呢個星期o係公司已經非常燥爆，再者同『愛人』之間又多左問題出現～？！

原本我都打算拖多一個星期時間，睇下堆問題會唔會有好轉先同阿仔講～？！
不過今次個期主要係因為就返阿仔，所以我就唯有先講左呢兩個星期o既事先～！！

大約8:45pm左右去到佢樓下會合佢，首先就同佢講下尋晚餐飯o既情況啦．．．
事因呢排班掛牌之間都有唔少心病o既關係，所以每次食飯都總會有是非聽囉～！！

就住呢排堆是非都同阿仔講過，當中部份話題亦都係涉及下近日ｄ娛樂啦．．．
我地邊食糖水邊傾下近日ｄ問題，重點問題就梗係留到最後先同佢交代晒啦～！！

頭兩部份o既問題唔算嚴重，至於最後要傾o既呢部份先係問題所在呀．．．
單睇返呢兩個星期時間o既我，竟然突然間轉到比以前o既我還我火爆囉～！！

除左公司o既人同埋事之外，可以令到我咁燥爆o既人就只有一個啦．．．
只係計呢兩個星期o既野，我已經可以嬲到比以前鬧No.2佢地更高o既層次呀～！！

兩個星期之內鬧佢o既次數，比起早段o既時間簡直就係一個創舉囉．．．
雖然我都知道我地相處方式係較特別，主要都係因為關係上o既定位所致～！？

但係及後真係會有一連串o既轉變，我宜家主要就係要睇表現o既時間～！？
要有將來o既話．．．就好睇佢宜家到底係咪真係可以俾到信心我嚕～？！

我選擇同阿仔講呢堆問題，係因為我覺得阿仔係最明白我諗咩o既人～？！
畢竟佢都已經對左我七年有多，而且當中又睇過及經歷過唔同o既階段啦～！！
雖則『愛人』係好有方法令我開心，但雙方o既價值觀係咪都係需要考慮呢～？！

同阿仔傾完左部份重點之後，雖然我地宜家都未有好正式o既答案啦．．．
但係我同阿仔都覺得，不如等我睇埋今個月同『愛人』o既Gathering先再算嚕～？！
因為接住呢兩個星期o既時間，佢o既表現就會直接影響我所落o既決定嚕～！！