今日收工之後約左屈姐出市中心，主要目的就係為換手機做準備～！！
同時因為我地都有一段時間冇點見面，所以趁今次又食下飯兼吹下水啦～！！

今次見面o既安排好簡單，事因我地主要都係去問價同埋睇手機啦．．．
其實我近年度都唔係太刻意去換機，只係部機近期已經開始有ｄ唔妥喇～！！
所以我亦都有呢件事問過阿仔意見，同時亦要知會佢有件咁o既事啦～！！

同時o係今次換機行動當中，其實仲有唔少外在因素係需要去考慮啦～！！
所以我更加想聽下佢地o既意見，到底我最終點樣做先係最好o既結果嚕～？！

至於今日收工之後，我完全冇過返屋企換衫就直接出左去市中心啦～！！
而o係路程當中，我就曾經同『愛人』傾過電話講下近日ｄ事宜啦～！！
今轉同佢傾o既野主要都係公事，主要係因為佢好快就要離開呢到嘛～！！

正正就係因為佢要離開，所以呢排o既感覺同埋整體氣氛都係怪怪地～！！
加埋老細呢排又係咁同野，所以佢咪將當中所有o既野完整咁同我講下嚕～！！
佢o既離開將會帶o黎一連串變動，而呢堆變動亦肯定唔會係好事囉～！！

另一方面．．．
今晚同屈姐食飯期間，我亦都有佢講過下近日ｄ心事同埋問題啦～！！
不過佢俾我o既意見，就係佢叫我一定要有信心去面對呢段關係同埋要努力～！！

我都知道好多關係一旦要面臨分開，就係兩個人之間最大o既考驗啦～？！
同時我宜家都只可以用平常心面對，咁樣起碼可以唔使令自己情緒有咁大起伏～！！
至於日後o既努力方面，當然就真係好睇我地兩個係咪肯一齊去努力維繫喇～？！

先後都聽過阿仔同屈姐意見，我都好明白呢ｄ係好理性o既答案啦．．．
不過自己內心o既感覺係咪真係可以做到咁，當然到時又係另一回事啦～！！

話咁快已經到左月尾時間，今晚同時收到Raymond來電話約埋去睇演唱會．．．
所以下一月o既活動應該會較多，而且當中唔少野都係涉及同阿仔有關嚕～？！